રાજસ્થાનના અલવરના લક્ષ્મણગઢ વિસ્તારના એક ગામમાં સાત મહિનાની બાળકી સાથે દુષ્કર્મના દોષીને અલવરની સ્પેશ્યલ કોર્ટે મોતની સજા આપી દીધી. એસસી-એસટી અને પોક્સો એક્ટના વિશેષ જજ જગેન્દ્ર અગ્રવાલે કહ્યુ કે જેની માનસિકતા સાત મહિનાની બાળકી સાથે દુષ્કર્મની હોય તેને ફક્ત જેલની સજા આપીને ન છોડી શકાય. તે ફરીથી કોઈને શિકાર બનાવી શકે છે. તેના માટે મૃત્યુદંડજ ઉચિત છે.
73 દિવસ જૂની આ ઘટનામાં પોલીસે 20 જૂને ચાર્જશીટ દાખલ કરી હતી. કોર્ટે 14 સુનાવણી કરીને 22 દિવસોમાંજ નિર્ણય કરી દીધો. નિર્ણય સાંભળીને દોષીના ચહેરા પર સળ પણ જનરે ન પડી.
ઉલ્લેખનિય છે કે ગત 9 મે ના પિંટૂ ડાકોતે બાળકી સાથે દુષ્કર્મ કર્યો હતો. તે બાળકીને ખવડાવવાના બહાને તેની આન્ટી પાસેથી લઈ ગયો હતો. ઘણા લાંબા સમય સુધી પરત ન ફરવા પર શોધ શરૂ કરી. ફુટબોલ મેદાનમાં બાળકી લોહીલુહાણ હાલતમાં મળી હતી. લોકોને જોઈને પિંટૂ ભાગી ગયો. બાદમાં તેને પકડી લેવામાં આવ્યો હતો.