કાર્યવાહી / સ્ટુડિયો ચલાવતો યુવાન સરકારી અધિકારી બની ગયો? રાજકોટમાં પાસ કૌભાંડનો પર્દાફાશ, પોલીસે 11ની ધરપકડ કરી

• રાજકોટમાં વધુ એક પાસ કોંભા઼ડનું પર્દાફાશ કરતુ ક્રાઇમ બ્રાંચ
• 300 રૂપિયામા એક પાસ વેચાણ કરતો હોવાનુ સામે આવ્યુ 
• પોલીસે મુખ્ય આરોપી અમિત મોટવાણી સહિત 11 લોકોની કરી ધરપકડ

રાજકોટમાં વધુ એક પાસ કૌભાંડનો પર્દાફાશ થયો છે. શહેરના ક્રાઇમબ્રાંચે પાસ કૌભાંડનો પર્દાફાશ કર્યો છે. જેમાં રૂપિયા 300માં એક પાસ વેચાણ કરાતો હોવાનું સામે આવ્યું છે. સ્ટૂડિયોમાં ફોટોશોપની મદદથી ડુપ્લિકેટ પાસ બનાવાતો હોવાનું પણ સામે આવ્યું છે. પોલીસે મુખ્ય આરોપી અમિત મોટવાણી સહિત 17 લોકોની ધરપકડ કરી છે. અત્યાર સુધી આરોપીઓએ કેટલાક પાસ વેચ્યા હોવાની કબૂલાત કરી છે.

પોલીસે મુખ્ય આરોપી અમિત મોટવાણી સહિત 17 લોકોની ધરપકડ કરી છે. રાજકોટમાં આવેલા રાજાવીર સ્ટુડિયોમાં આરોપી અમિત મોટવાણી આ બોગસ પાસ બનાવતો હતો. જેને લઇ ક્રાઇમ બ્રાંચને જાણ થતા કૌભાંડનો પર્દાફાશ થયો છે. આરોપી અમિત મોટવાણીએ કહ્યું કે તે છેલ્લા કે અનિલ નામના શખ્સે તેમને આ શીખવાડ્યું હતું અને તેને જ પાસનો નમૂનો આપ્યો હતો. અનિલ નામના શખ્સે કલેક્ટર ઓફિસથી પાસનો નમૂનો આપ્યો અને ત્યારબાદ તેની ઝેરોક્ષ કાઢી અને લોકોના આપતા હતા.

અત્યાર સુધી 20થી 22 લોકોના પાસ કાઢી આપ્યા છે. આ ઉપરાંત આરોપીએ પરેશભાઇ પંજાબીનું પણ નામ લીધું છે જેણે આ કૌભાંડમાં મદદ કરી છે. છેલ્લા 15થી 20 દિવસથી આ રીતે દુકાન ખોલી અને બોગસ પાસ કાઢી આપતા હતા. આરોપી અમિતે કહ્યું કે પરેશ પંજાબીએ મને પૈસાની લાલચ આપી હતી એટલે મેં પાસ કઢાવી આપ્યા હતા

 

લોકડાઉનના કારણે લોકોને વતનમાં પહોંચાડવા માટે સરકાર દ્વારા પાસ ઈશ્યૂ કરવામાં આવે છે. ત્યારે રાજકોટમાં શ્રમિકોને બોગસ પાસ કાઢી આપનાર ત્રણ શખ્સોની પોલીસે ધરપકડ કરી હતી. આ શખ્સો લોકો પાસેથી 4 હજાર રૂપિયા લઈને પાસ કાઢી આપવાની ખાતરી આપતા હતા.



જેને લઇને પોલીસે દિપેન કોટેચા, સંજય મકવાણા અને ગૌરાંગ દવે નામના શખ્સોની અટકાયત કરી હતી. સંજય મકવાણા ઈ-પાસ કાઢીને આપવાના નામે રૂપિયા ઉઘરાવતો હતો. આરોપી સંજય મકવાણાએ વ્હોટ્સએપમાં સ્ટેટસ પણ રાખ્યુ હતુ. વોટ્સએપ પર દસ્તાવેજ મોકલીને સંજય પાસ કાઢી આપતો હતો.

સળગતા સવાલ 

• બોગસ પાસ બનાવનારો અમિત મોટવાણી રાજકીય વગ ધરાવે છે?
• બોગસ પાસ બનાવવાની હિંમત ક્યાંથી આવી?
• બોગસ પાસ મેળવનારા સામે કાર્યવાહી થશે?
• બોગસ પાસ બનાવનારા સામે દાખલારૂપ કાર્યવાહી જરૂરી
• ખોટા પાસને લીધે કેસ વધશે તો જવાબદાર કોણ?
• કોને કોને આપ્યા બોગસ પાસ?
• બોગસ પાસથી કેટલા લોકોએ કર્યુ સ્થળાંતર?
• રૂપિયા કમાવવા લોકોના જીવ સાથે કેમ રમો છો રમત?
• ચેકપોસ્ટ પર પોલીસ કેમ નથી કરતી સઘન તપાસ?
• પાસના નંબર આધારે તપાસ થાય તેવી વ્યવસ્થા કેમ નહીં?
• જિલ્લા બહાર નિકળતા લોકોના પાસની ખરાઇ કરવામાં ઢીલ કેમ?
• શું અત્યારે પણ કટકી લઇને લોકોને અપાય છે છૂટ?