રાજકોટ / ભાદર નદીમાં ખનીજ માફિયાઓ બેફામ, 40 કિમી લાંબા નદી કાંઠા વિસ્તારમાં કરી ખનીજ ચોરી

• દિવસે થાય છે બેફામ ખનીજચોરી
• રાત્રે થાય છે માલનું વહન
• બે રોકટોક ચાલે છે ખેલ

રાજકોટ જિલ્લામાં વહેતી અને પોરબંદર ના દરિયા માં ભળતી ભાદર નદીનો ધોરાજીથી ઉપલેટા સુધીનો કાંઠા વિસ્તાર એ ખનીજ માફિયા ઓ માટે સ્વર્ગ સમાન છે, આ વિસ્તારમાં સરકારની મંજૂરી સાથે અને વગર મંજૂરીની અને ગેરકાયદેસર ચાલતી અનેક રેતીની લીઝ છે, ધોરાજી થી ઉપલેટા સુધીના નદી કાંઠા વિસ્તાર ઉપર 40 થી 50 જેટલી લીઝો ગેરકાયદેસર ધમધમી રહી છે. 

ગેરકાયદેસર રીતે બાર્જ કે હોડીઓ ઉતારીને કરાય છે ડ્રેજીંગ

નદીમાં પાણી ભરેલ હોય ત્યારે નદીના પાણીમાં ગેરકાયદેસર રીતે બાર્જ કે હોડીઓ ઉતારીને ડ્રેજીંગ કરીને રેતીનું ખનન કરવામાં આવે છે. ભાદર નદીના પાણીમાં હોડી ઉતારીને ખાસ રીતે પાણી અને નદીના તળિયેથી રેતી ઉલેચવા માટેની ખાસ મશીનરીઓનો ઉપયોગ કરવામાં આવી રહેલ છે અને ગેરકાયદેસર રીતે રેતીનું ખનન કરવા માં આવે છે, સરકાર દ્વારા કે ખાણ ખનીજ વિભાગ દ્વારા આંખ આડા કાન કરી ને આ હોડી ઓ ને અહીં ચાલવા દેવા માં આવે છે અને અત્યાર સુધીમાં હજુ સુધી કોઈ પગલાં ભરાવામાં આવ્યા નથી.  

ખનીજ માફિયાઓ તંત્રના આંખ મિચામણાનો ઉઠાવી રહ્યા છે લાભ 

ખનીજ માફિયાઓ તંત્રના આંખ મિચામણાનો લાભ ઉઠાવી રહ્યા છે. ખનીજ માફિયાઓએ ખનીજના વહન માટે નદીના પાણી વચ્ચે રસ્તો પણ બનાવી લીધો છે. ખનીજ માફિયાઓએ ખનીજના વહન માટે નદી વચ્ચે રસ્તો બનાવી લીધો છે છતાં તંત્રની બલિહારી જુઓ કે આજ સુધી આ રસ્તા વિશે તંત્રના  કોઈ અધિકારીએ  તપાસ પણ કરી નથી. ધોળા દિવસે દેખાતો આ ગેરકાયદે રસ્તાના નિર્માતાઓની નથી તો તપાસ થઈ કે નથી. તો રસ્તાના પ્રયોજન વિશે જાણવામાં તંત્રએ કશો રસ દાખવ્યો. તો રાત્રીના અંધારમાં આ રસ્તા પર કયા વાહનો ચાલી રહ્યા છે તેપાસ કરવા આવે? જ્યારે ધોરાજીના ડેપ્યુટી કલેક્ટર જીવી મિયાણીને આ અંગે પૂછવામાં આવ્યું તો તેમણે જાણે ખનીજ ચોરીની આજે જ જાણ થઈ હોય તેવા હાવભાવ સાથે કહ્યું તપાસ કરીશું.  

નદીના ખુલ્લા મેદાન અને ખુલા પાણી માંથી હોડીઓ દ્વારા રેતીનું ખુલ્લે આમ ખનન કરવા માટે સરકારી અધિકારીઓની મિલી ભગત વગર શક્ય નથી, ત્યારે વર્ષોથી ચાલતું આ ખનનમાં સરકારી અધિકારી ઓ ની ભાગબટાઈ હોય તે ચોક્કસ છે.