સુરેન્દ્રનગર: ગાંજાના મોટા જથ્થા સાથે SOG ટીમે કરી એક શખ્સની ધરપકડ

સુરેન્દ્રનગરના કુવાડવા રોડ પરથી SOGએ મોટી માત્રામાં ગાંજો ઝડપી પાડ્યો છે. રાજકોટ SOG પોલીસે કાર્યવાહી કરીને એક હજાર કિલો ગાંજા સાથે એક આરોપીની ધરપકડ કરી છે. આ શખ્સ ચોટીલાના ખેરડી ગામમાંથી ગાંજો લાવ્યો હોવાની કબૂલાત કરી છે.

આ મામલે પોલીસ દ્વારા તપાસ કરાતા ખેરડી ગામમાંથી ગાંજાનું વાવેતર ઝડપાયું હતું. પોલીસે ખરેડી ગામમાં તપાસ કરીને એક હજાર કિલો કરતા પણ વધુ ગાંજોનો જથ્થો ઝડપી પાડ્યો છે. પોલીસે એક શખ્સની ધરપકડ કરીને આગળની કાર્યવાહી હાથધરી છે.
 

#Surendranagar
કુવાડવા રોડ પરથી એક કિલો ગાંજો ઝડપાયો
રાજકોટ SOG પોલીસે કરી કાર્યવાહી
ખેરડી ગામમાંથી શખ્સ લાવ્યો હતો ગાંજો
ખેરડી ગામમાંથી ગાંજાનું વાવેતર ઝડપાયું
હજાર કિલોથી વધુ ગાંજો ઝડપાયો #SOG પોલીસે આગળની કાર્યવાહી હાથ ધરી@GujaratPolice pic.twitter.com/OW59Lgx7B9

— VTV Gujarati News (@VtvGujarati) January 4 2019

આ ઘટના મામલે મળતી જાણકારી મુજબ ચોટીલાથી રાજકોટ જતા હાઇવે પર આવેલ કુવાડવા ખાતેથી રાજકોટ SOG પોલીસે એક હજાર કિલો ગાંજા સાથે એક વ્યક્તિની ધરપકડ કરી હતી. આ મામલે બાતમી રાજકોટ SOGને મળતા છટકું ગોઠવવામાં આવ્યું હતું.

યુવાનો કરી રહ્યા છે નશીલા પદાર્થનો ઉપયોગ..!
સૌરાષ્ટ્રમાં મોટી સંખ્યામાં ગાંજા અને ચરસ જેવા નશીલા પદાર્થોનો ઉપયોગ યુવાનો કરતા હોવાનું પણ તપાસમાં બહાર આવ્યું છે. ત્યારે ખેરડી ગામમાંથી ગાંજાનું વાવેતર અને એક વ્યક્તિ ઝડપાતા ચકચાર મચી જવા પામી છે. જો કે પોલીસે ગાંજા સાથે ઝડપાયેલા શખ્સની ધરપકડ કરીને કાયદેસરની કાર્યવાહી હાથ ધરી છે.