Coronavirus / રાજકોટમાં રસ્તાઓ થયાં સૂમસામ, સવારથી લોકડાઉનનો સ્વયંભુ કરાઇ રહ્યો છે અમલ

• રાજકોટમાં આજે વહેલી સવારથી રસ્તાઓ સુમસામ
• પોલીસ કડક બનતા લોકોએ બહાર આવવાનુ ટાળ્યું 
• રાજકોટમાં જાહેરનામાનો ભંગ કરનાર સામે પોલીસની કાર્યવાહી

રાજકોટમાં આજે વહેલી સવારથી રસ્તાઓ સુમસામ

રાજકોટ શહેરમાં આજે વહેલી સવારથી રસ્તાઓ સુમસાન બન્યા છે. પોલીસ કડક કાર્યવાહી કરતાં લોકોએ બહાર આવવાનું ટાળ્યું છે. શહેરમાં લોકડાઉન છતાં દુકાનો ખોલવામાં આવી હતી. જો કે તેને લઇ પોલીસે કડક કાર્યવાહી કરી દુકાનો બંધ કરાવી હતી. આમ આજરોજ સવારથી જ રાજકોટમાં લોકડાઉનનો અમલ કરવામાં આવી રહ્યો છે.
 

રાજકોટમાં જાહેરનામાનો ભંગ કરનાર સામે પોલીસની કાર્યવાહી

રાજકોટ શહેરમાં જાહેરનામાનો ભંગ કરનાર સામે પોલીસ દ્વારા કાર્યવાહી કરવામાં આવી છે. રાજકોટ રૂરલ પોલીસ દ્વારા કડક કાર્યવાહી કરાઇ છે. રાજકોટ જિલ્લામાં જાહેરનામાનો ભંગ કરનાર 28 સામે ફરિયાદ કરાઇ છે. જ્યારે જેતપુર ગ્રામ્યમાં 2 અને જેતપુર શહેરમાં 6 સામે ફરિયાદ થઇ છે. જ્યારે  ભાયાવદર અને વિંછીયામાં 1-1 સામે ફરિયાદ નોંધાઇ છે. જ્યારે વીરપુર અને ગોંડલમાં 2-2, પાટણવાવમાં 5 સામે ફરિયાદ નોંધાઇ છે. જ્યારે ધોરાજીમાં 5 અને ઉપલેટામાં 4 સામે ફરિયાદ થઇ છે.
 

રાજ્યમાં લોકડાઉનને પગલે રાજકોટ પોલીસની અનોખી પહેલ

ગુજરાત પોલીસ વડા દ્વારા રાજ્યભરમાં 31 માર્ચ સુધી લોકડાઉન રાખવાની જાહેરાત કરી છે. લોકડાઉનને પગલે રાજકોટ પોલીસ દ્વારા અનોખી પહેલ શરૂ કરવામાં આવી છે. પ્રજા અને પોલીસ વચ્ચે ઘર્ષણ ટાળવા માટે પોલીસ દ્વારા અલગ-અલગ પાસ તૈયાર કરવામાં આવ્યા છે.

જીવન જરૂરિયાતની દુકાનો માટે પાસ, સોસાયટી દીઠ પસંદગી કરાયેલા લોકો માટે માસ અને વાહન મુક્તિ માટેના પાસ તૈયાર કરાયો છે. પોલીસ દ્વારા કેસરી, લીલા, બ્લુ રંગના પાસ તૈયાર કરવામાં આવ્યા છે. આ પાસ ધરાવતા લોકો જ ઘરમાંથી બહાર નિકળી શકે છે.