જેતપુરમાં એકના ડબલ કરનારા 3ને પોલીસે ઝડપી પાડ્યા છે. 250થી વધુ લોકોના એક કરોડથી વધુ લઈને થઈ ગયા હતા છૂમંતર થઈ ગયા હતા. પોલીસે આ 3 આરોપીને ઝડપી પાડ્યા છે પરંતુ કોઈપણ લોભામણી સ્કીમ સામે આવે તો તેના થઈ ચેતવું જોઈએ.
અત્યાર સુધી આ કંપની દ્વારા 22 સ્કીમ બહાર પાડવામાં આવી
સવા કરોડ રૂપિયાની છેતરપિંડી થયા હોવાની ફરિયાદ
લોકોને એક હજાર રૂપિયાના 50 હપ્તા ભરવાના હતા
જેતપુરમાં છેલ્લા ઘણા સમયથી લોકામણી લાલચ આપીને લોકો સાથે દીપ ગ્રુપના સંચાલકો દ્વારા છેતરપિંડી કરવામાં આવતી હતી. હાલમાં 250થી વધુ લોકો સાથે સવા કરોડની છેતરિંડી આચરવામાં આવી હતી. કંપનીના સંચાલકો દ્વારા સ્કીમો જાહેર કરીને લોકો પાસેથી રૂપિયા ઉઘરાવવામાં આવતા હતા.જોકે સ્કીમ પૂર્ણ થયા બાદ લોકોને પૈસા પરત કરવામાં આવતા ન હતા. આ મામલે 250થી વધુ લોકોએ જેતુપર સિટી પોલીસ સ્ટેશનમાં ફરિયાદ કરી હતી. સવા કરોડની છેતરપિંડી મામલે પોલીસે યશ ટાંક, કિશોર ઠુમ્મર અને પંકજ રાદડિયાની ધરપકડ કરી છે. પોલીસે તમામ આરોપીઓને કોર્ટમાં રજૂ કરીને પાંચ દિવસના રિમાન્ડ મેળવ્યા છે.
લોકોને એક હજાર રૂપિયાના 50 હપ્તા ભરવાના હતા
આ ત્રણેય શખ્સો છેલ્લા ઘણા સમયથી આ પ્રકારનો ધંધો કરતા હતા. ઈનામી સ્કીમ આપીને લોકોને રૂપિયા ભરાવતા હતા. અને ત્યાર બાદ રૂપિયા પરત કરવાના વાયદા આપતા હતા. હાલમાં ચાલી રહેલી સ્કીમ મુજબ લોકોને એક હજાર રૂપિયાના 50 હપ્તા ભરવાના હતા. જો લોકોને ઈનામ ન મળે તો 50 મહિના બાદ 55 હજાર રૂપિયા પરત કરવાના હતા.
અગાઉ આ કંપની દ્વારા 17 સ્કીમ પૂર્ણ કરવામાં આવી છે
અત્યાર સુધી આ કંપની દ્વારા 22 સ્કીમ બહાર પાડવામાં આવી છે. અગાઉ આ કંપની દ્વારા 17 સ્કીમ પૂર્ણ કરવામાં આવી છે. હાલમાં 18થી 22 નંબરની સ્કીમ ચાલી રહી હતી. સ્કીમ પૂર્ણ થયા બાદ લોકોને રૂપિયા પરત કરવામાં આવ્યા ન હતા.
અનેક વખત રજૂઆત બાદ પણ કંપનીના માલિકોએ રૂપિયા પરત કર્યા ન હતા. જેથી લોકોએ 27 જાન્યુઆરીના રોજ જેતપુર પોલીસ સ્ટેશનમાં ફરિયાદ કરી હતી. 250 જેટલા લોકોએ 86 લાખ રૂપિયાની છેતરપિંડીની ફરિયાદ કરી હતી. ત્યાર બાદ આ સ્કીમમાં છેતરાયા અનેક લોકોએ પોલીસ સ્ટેશનમાં રજૂઆત કરી હતી.
સવા કરોડ રૂપિયાની છેતરપિંડી થયા હોવાની ફરિયાદ
અત્યાર સુધી સવા કરોડ રૂપિયાની છેતરપિંડી થયા હોવાની ફરિયાદ બાદ પોલીસે એક્શનમાં આવીને આરોપીઓની ધરપકડ કરીને કાર્યવાહી હાથધરી છે.