રાજકોટમાં આવેલા સાથી સેવા ગ્રુપ દ્વારા શહેરમાં આવેલા સાધુ વાસવાણી રોડ પરના એક મકાનમાં છેલ્લા મહિનાથી પુરાયેલી યુવતીને છોડવામાં આવી હતી. યુવતીની તબિયત સારી ન હોવાના કારણે સારવાર માટે હોસ્પિટલમાં ખસેડવામાં આવી હતી. જેનું આજરોજ સવારે સારવાર દરમિયાન મૃત્યું થયું છે.
આશાસ્પદ યુવતીનું સારવાર દરમિયાન મોત
25 વર્ષીય અલ્પા સેંજપાલ ઘરમાં હતી બંધ
CAનો અભ્યાસ કરતી યુવતીને પરિવારે જ કરી ઘરમાં કેદ
ઉલ્લેખનીય છે કે ગઇકાલે રાજકોટમાં સાથી સેવાના ગ્રુપના જલ્પાબેન પટેલ અને તેમની ટીમ દ્વારા શહેરના સાધુ વાસવાણી રોડ પર છેલ્લા 6 મહિનાથી પુરાયેલી યુવતીને છોડાવામાં આવી હતી. જેનું આજરોજ સારવાર દરમિયાન મૃત્યું થયું છે.
જો કે હાલ આ યુવતીના મૃત્યુ પાછળ તેણીના માતા-પિતા અને પરિવાર શંકાના દાયરામાં છે. જો કે હાલ આ સવાલ સૌથી પેચીદો બન્યો છે કે આ યુવતીના મોત મામલે જવાબદાર કોણ?
જો કે ગઇકાલે જ સાથી સેવા ગ્રુપના જલ્પાબેન પટેલે કહ્યું હતું કે પોલીસ ગુનો દાખલ કરે તો હુ ફરિયાદી બનવા તૈયાર છું. આ યુવતીને તેના ઘરમાં છેલ્લા 6 મહિનાથી પુરી રાખવામાં આવી હતી. આ અંગેની જાણ થતા સાથી સેવા ગ્રુપના જલ્પાબેને યુવતીને છોડાવી સારવાર માટે હોસ્પિટલ ખસેડાઇ હતી. જો કે ગઇકાલે યુવતીના ઘરના રૂમમાંથી યુરિન ભરેલી કોથળીઓ પણ મળી આવી હતી.
આ યુવતી સી.એ.નો અભ્યાસ કરતી હતી, પરંતુ છ મહિનાથી એક જ રુમમાં પુરાઇ હતી. જો કે પ્રાપ્ત મળતી વિગત અનુસાર આઠ દિવસથી ખાધુ-પીધું ન હોવાથી કોમામાં જતી રહેલી હાલતમાં મળી આવી હતી. જેને લઇને સાથી સેવા ગ્રુપે તેને સારવાર માટે સિવિલ હોસ્પિટલ ખસેડી હતી. જ્યાં તેનું આજરોજ સારવાર દરમિયાન મોત નિપજ્યું છે.
આ અંગે સાથી સેવા ગ્રુપના જલ્પાબેન પટેલે જણાવ્યુંહતું કે આ કેસમાં યુવતીની માતા શંકાસ્પદ છે. જરૂર પડશે તો તેના માતા-પિતા વિરુદ્ધ પોલીસમાં ફરિયાદ કરવા પણ તૈયાર છીએ.
રાજકોટ ખાતે CAનો અભ્યાસ કરી રહેલી આશાસ્પદ યુવિતીનું સારવાર દરમિયાન મોત નિપજ્યું છે. આ યુવતીને તેના જ પરિવારે ઘરમાં કેદ કરીને રાખી હતી. જો કે દુર્ગંધ આવતા પાડોશીએ સાથી સેવા ગ્રુપનો સંપર્ક કર્યો હતો. જો કે સાથી સેવા ગ્રુપને લાંબી રકઝક બાદ ગઇકાલે ઘરમાં પ્રવેશ મળ્યો હતો.
જો કે છેલ્લા છ મહિનાથી ઝઝુમતી યુવતી આખરે જીંદગી સામે જંગ હારી ગયેલી જોવા મળી. યુવતીના મોત પાછળ રહી ગયા અનેક વણઉકેલ્યા સવાલો.
શા માટે યુવતીને પોતાના ઘરમાં જ કરાઈ હતી કેદ?
કેમ તેનો પરિવાર તેની નહોતો લેતા સાર સંભાળ?
શા માટે યુવતી છેલ્લા 8 દિવસથી ભૂખી હતી?
કેમ યુરિન ભરેલી કોથળીઓ અને ટબ યુવતીના રૂમમાંથી મળી આવ્યા?
શું પરિવારને દુર્ગંધ નહોતી આવતી?
એવી તો શું મજબુરી હતી પરિવારની કે CAનો અભ્યાસ કરતી યુવતીને બનાવી બંધક?