રાજકોટ પેટા ચૂંટણીમાં લહેરાયો કેસરિયો સમર્થકોએ ઉજવ્યો વિજયોત્સવ

રાજકોટ શહેરમાં વોર્ડ નંબર 13ની પેટા ચૂંટણીમાં ભાજપના નીતિન રામાણી વિજેતા થયા છે. ભાજપના ઉમેદવાર નીતિન રામાણી 6317 મતથી વિજયી થયાં છે. નીતિન રામાણીએ અપક્ષ ઉમેદવાર સંજય વાઘેલાને મ્હાત આપી છે. મહત્વનું છે કે 58 હજાર 569 મતદારમાંથી માત્ર 18 હજાર 228 મતદારોએ જ મતદાન કર્યું હતું.
 

#Rajkot પેટા ચૂંટણીમાં ભાજપનો ભવ્ય વિજય ઉમેદવાર #NitinRamani ની જીત#NitinRamani ની અપક્ષ ઉમદેવાર સામે 6317 મતથી વિજય@jitu_vaghani @AmitShah @vijayrupanibjp pic.twitter.com/g85DzZfKEA

— VTV Gujarati News (@VtvGujarati) January 29 2019

તો કોંગ્રેસના ઉમેદવાર મેદાનમાંથી ખસી જતાં ચૂંટણી નિરઉત્સાહી રહી હતા અને મતદાન એક તરફી થઈ ગયું હતું. જેમાં ભાજપના એક અને અપક્ષના 6 મળીને સાત ઉમેદવારો વચ્ચે ચૂંટણી જંગ થયો હતો. જેમાં ભાજપના નીતિન રામાણીએ અપક્ષ ઉમેદવાર સંજય વાઘેલાને મ્હાત આપી છે.

મહત્વનું છે કે કોંગ્રેસના નીતિન રામાણી ભાજપમાં જોડાતા ચૂંટણી યોજાઈ હતી. આ ચૂંટણીમાં કોંગ્રેસના ઉમેદવારે ફોર્મ પરત ખેંચતા ભાજપ અને અપક્ષ વચ્ચે જંગ જોવી મળ્યો હતો. પેટાચૂંટણીમાં 31.12 ટકા મતદાન થયું હતુ..આજે ચૂંટણીના પરિણામ જાહેર થતાં ભાજપના ઉમેદવાર નીતિન રામાણીનો વિજય થયો હતો. 

કોંગ્રેસે આંચકી ભાજપ પાસેથી સત્તા
રાજપીપળા સૂત્રાપાડા અને ભાવનગરની ચૂંટણીનું પરિણામ જાહેર થયુ છે. રાજપીપળા પેટાચૂંટણીમાં કોંગ્રેસે ભાજપ પાસેથી સત્તા છીનવી છે. કોંગ્રેસના ચંદ્રિકા વસાવાને 1341 મત મળ્યા છે. જ્યારે ભાજપના ઉમેદવાર હીનલ વસાવાને 1196 મત મળ્યા. રાજપીપળા નગરપાલીકામાં ચંદ્રિકા વસાવાની 145 મતથી જીત થઈ છે. ભાવનગરની પાલીતાણામાં વોર્ડ નંબર-3ની પેટાચૂંટણીમાં પણ કોંગ્રેસની જીત થઈ. કોંગ્રેસના ઉમેદવાર અનવર સોહિલની 200 મતથી જીત થઈ છે.