અમદાવાદ કોંગ્રેસના આગેવાનોને પ્રભારીએ ખખડાવ્યા છે. ધારાસભ્ય હિમ્મતસિંહ પટેલની હઠથી પ્રભારી ગુસ્સે થયા હતાં. હિમ્મતસિંહે પક્ષ વિરોધી કામ કરનારને સસ્પેન્ડ કરવાની હઠ કરી હતી. પ્રભારીએ જૂની વાતો ભૂલી જવા માટે સૂચન કર્યુ હતું. પ્રભારી રાજીવ સાતવે હિમ્મતસિંહને ઠપકો આપ્યો હતો.
સાતવે હિમ્મતસિંહને ચીમકી આપતા જણાવ્યુ હતું કે તમારા આતંરિક વિવાદથી મારે કોઇ મતલબ નથી. મારે લોકસભામાં પરિણામ જોઇએ. વિવાદ ખતમ કરી લોકસભાની બેઠકો માટે નામ આપવાની સલાહ આપી હતી. હજુ સુધી લોકસભાની બે બેઠકો માટેની પેનલ તૈયાર થઇ શકી નથી.
મહત્વનું છે કે ગુજરાતમાં કોંગ્રેસે લોકસભા ચૂંટણી માટે તૈયારીઓ શરૂ કરી દીધી છે. આજે અમદાવાદની લોકસભા બેઠક માટે પ્રભારી રાજીવ સાતવે સમીક્ષા બેઠક બોલાવી હતી. આ બેઠકમાં શહેર કોંગ્રેસમાં દાવેદારોને લઈને હજુ સુધી કોઈ ચર્ચા નથી થઈ. પ્રભારીએ દાવેદારોના નામની પેનલ માગી છે. જોકે જે ન મળતાં ઉમેદવારોની પસંદગીમાં વિલંબ થઈ રહ્યો છે.
લોકસભા બેઠકની ચર્ચામાં ધારાસભ્ય ન રહ્યા હાજર
પ્રદેશ કોંગ્રેસ બાદ અમદાવાદ શહેર કોંગ્રેસમાં પણ વિવાદ સામે આવ્યો છે. અમદાવાદ શહેર કોંગ્રેસનો વિખવાદ ચરમસીમાએ પહોંચી ચુક્યો છે. લોકસભા બેઠકની ચર્ચામાં ધારાસભ્ય જ ગેરહાજર રહ્યા છે. બેઠકમાં ધારાસભ્ય શૈલેષ પરમારને બોલાવાયા જ ન હતા. જો કે બાદમાં પ્રભારી રાજીવ સાતવે ફોન કરીને શૈલેષ પરમારને બોલાવ્યા. તો આંતરિક વિવાદને કારણે ઉમેદવારના નામ પણ હજુ સુધી નક્કી નથી કરી શકાયા.