VIDEO / રાજસ્થાન: વિદ્યાર્થી સેનેટની ચૂંટણી માટે ઉમેદવારોએ રસ્તામાં આળોટીને રીતસરના વિદ્યાર્થીઓના પગ પકડી વોટ માગ્યા

• રાજસ્થાનના ભરતપુરમાંથી અનોખો નજારો સામે આવ્યો
• વિદ્યાર્થી સંગઠનની ચૂંટણી માટે ઉમેદવારો રીતસરના પગે પડ્યા
• ચૂંટણી માટે યુનિવર્સિટીઓમાં કડક સુરક્ષા વ્યવસ્થા ગોઠવી

રાજસ્થાનના ભરતપુર શહેરના મહારાની શ્રી જયા કોલેજમાં વિદ્યાર્થી સંઘ ચૂંટણીને લઈને ખૂબ જ રસપ્રદ તસ્વીરો સામે આવી છે. અહીં ઉમેદવારો વોટરોના પગ પકડીને પોતાના પક્ષમાં વોટ કરવા માટે અપીલ કરી રહ્યા છે. કોલેજમાં વોટ નાખવા પહોંચેલા વિદ્યાર્થીઓની સામે ઉમેદવારો રીતસરના પગ પકડીને વોટ માગી રહ્યા છે. આ રસપ્રદ નજારો મહારાની શ્રી જયા કોલેજમાં જોવા મળ્યો હતો. કોલેજમાં તમામ ઉમેદવારો લાઈન લગાવીને રસ્તા પર બેસી ગયા હતા અને વોટરોને અલગ અલગ રીતે મનાવવા લાગ્યા હતા.

આ નજારાને જોઈને સૌ કોઈ દંગ રહી ગયા હતા. વિદ્યાર્થીઓનું કહેવુ હતું કે, આપ પગ પકડો નહીં, અમે વોટ આપીશું અને સમર્થન પણ કરીશું. પણ ઉમેદવાર રડીને હાથ જોડીને વોટ માગતા દેખાયા હતા. ઉમેદવારોએ કહ્યું કે, લાંબા સમયથી સંઘર્ષ કરી રહ્યા છે અને અણીના સમયે જો પરિણામ ન મળ્યું તો, ભારે દુખ થશે. એટલા માટે હાથ જોડીને વિનંતી કરીને અમે વોટરોને મનાવી રહ્યા છીએ. મહારાની શ્રી જયા કોલેજમા એબીવીપીના અધ્યક્ષ ઉમેદવાર પવન ચિકસાના અને એનએસયુઆઈના અધ્યક્ષ ઉમેદવાર કૌશલ ફૌઝદાર સહિત કર્મવીર ફૌઝદાર ઉપાધ્યક્ષ પદ માટે કેટલાય ઉમેદવારો લાઈન લગાવીને બેઠા છે. 

સુરક્ષાની પુરી વ્યવસ્થા

ભરતપુરમાં વિદ્યાર્થી સંઘ ચૂંટણી માટે વોટિંગ પ્રક્રિયા સવારથી શરૂ થઈ ગઈ છે. કોલેજોની બહાર વોટ નાખવા માટે વિદ્યાર્થીઓની લાંબી લાઈનો જોવા મળી હતી. મહારાની શ્રી જયા વ્રજ વિદ્યાલય, આરડી ગર્લ્સ કોલેજ, રાજકીય વિધિ મહાવિદ્યાલય સહિત ગ્રામિણ વિસ્તારોની યુનિવર્સિટીઓમાં વોટિંગ થઈ રહ્યા છે. સુરક્ષાની પાક્કી વ્યવસ્થા કરવામાં આવી છે. દરેક કોલેજોમાં લગભગ 100-100 પોલીસ જવાનો તૈનાત કર્યા છે. 500 મીટર પહેલાથી જ બેરિકેડ લગાવીને વાહનો રોકવામાં આવી રહ્યા છે. કડક સુરક્ષાની વચ્ચે અંદર પ્રવેશ આપવામાં આવી રહ્યા છે. પોલીસની સાથે એસટીએફની ટીમ અને ક્યૂઆરટી ટીમ સહિત મહિલા પોલીસ કર્મીની પણ તૈનાતી કરવામાં આવી છે.