રાજસ્થાનથી મોટા સમાચાર મળી રહ્યા છે. રાજસ્થાન હાઇકોર્ટે મોબ લિન્ચિંગના શિકાર પહલૂ ખાન (Pehlu Khan) અને તેમના પુત્રો વિરુદ્ધ નોંધવામાં આવેલી FIR રદ્દ કરવાનો આદેશ આપ્યો છે. નોંધનીય છે કે, પોલીસે પહલૂ ખાન પર હુમલા કરનાર વિરુદ્ધ હત્યાનો કેસ નોંધ્યો હતો. સાથે જ પહલૂ ખાન, તેમના પુત્રો અને પિકઅપ ડ્રાઇવર વિરુદ્ધ ગૌવંશની તસ્કરીનો મામલો પણ નોંધ્યો હતો.
રાજસ્થાન હાઇકોર્ટે પહલૂ ખાન અને તેમના પુત્રો વિરુદ્ધ નોંધવામાં આવેલી FIR રદ્દ કરવાનો આદેશ આપ્યો
વર્ષ 2017માં ટોળા દ્વારા ગૌ-તસ્કરીની શંકામાં પહલૂ ખાનની માર મારીને હત્યા કરાઇ હતી
પોલીસ આ મામલામાં ચાર્જશીટ પણ ફાઇલ કરી ચૂકી છે. વર્ષ 2017માં ટોળા દ્વારા ગૌ-તસ્કરીની શંકામાં પહલૂ ખાનની માર મારીને હત્યા કરી નાંખવામાં આવી હતી. ઇલાજ દરમિયાન તેની હોસ્પિટલમાં મોત થઇ ગઇ હતી.
પહલૂ ખાનના પુત્રોએ પોતાના વિરુદ્ધ નોંધવામાં આવેલી એફઆઇઆર (FIR) વિરુદ્ધ અપીલ કરી હતી અને તેમનું કહેવું હતું કે ગૌવંશની તસ્કરી કરી રહ્યા નહોતા. પરંતુ તેને ખરીદ્યુ હતું અને તેના કાગળ પણ હતા. ત્યારે કોર્ટે આજે આ એફઆઇઆરને રદ્દ કરવાનો આદેશ આપ્યો છે.