ભારતમાં અનેક એવા ગામ અને વિસ્તારો છે, જ્યાં ટ્રાન્સપોર્ટ સેવા નથી પહોંચી શકી. આજે પણ ત્યાં લોકો પગપાળા જ પ્રવાસ કરે છે. તે જોઇને ડૉક્ટરે PFથી ઉપાડ્યા 19 લાખ અને બસ ખરીદી લીધી.
ગામથી પગપાળા શાળા-કોલેજ જતી હતી વિદ્યાર્થીનીઓ
ડૉક્ટરે PFથી ઉપાડ્યા 19 લાખ અને ખરીદી લીધી બસ
IPSએ આપ્યું રિએક્શન
રાજસ્થાનના કોટપુતલીમાં એક 61 વર્ષીય ડૉક્ટરને જાણ થઇ કે ગામ અને આસપાસની વિદ્યાર્થીનીઓ પગપાળા શાળા-કોલેજ જાય છે તો તેમણે માત્ર વિદ્યાર્થીઓ માટે ખુદના પૈસાથી બસ ખરીદી લીધી. જેમાં ફ્રીમાં વિદ્યાર્થીનીઓ સફર કરી શકશે.
હવે યુવતીઓ તે બસથી શાળા-કોલેજ જાય છે. આ ખુબ જ હૃદય સ્પર્શી કહાનીને IPS આર.કે.વિજે રિએક્શન આપ્યું છે. આ સમાચાર સૌથી પહેલા 2017માં આવ્યા હતા. IPS દ્વારા શેર કરાયા બાદ આ સ્ટોરી ફરી વાયરલ થઇ ગઇ છે.
PFથી ઉપાડ્યા 19 લાખ રૂપિયા અને ખરીદી લીધી બસ
61 વર્ષીય ડૉ. આર.પી.યાદવે અનુભવ્યું કે તેમના ગામ અને આસપાસની યુવતીઓને પબ્લિક ટ્રાન્સપોર્ટના અભાવમાં અનેક કિલોમીટર પગપાળા ચાલીને શાળા-કોલેજ જવું પડતું હતું. આ જોઇને તેમણે પોતાના પ્રોવિડન્ટ ફંડથી 19 લાખ રૂપિયા ઉપાડ્યા અને યુવતીઓને તેમની ખુદની એક બસ ખરીદી આપી.
IPS અધિકારીએ આપ્યું રિએક્શન
IAS અધિકારી અવનીષ શરણે ટ્વિટ પર IPS આર.કે.વિજને રિએક્શન આપ્યું. તેમણે લખ્યું કે, નમન છે આવા વ્યક્તિત્વને.
અવનીષ શરણે આ ટ્વિટને 11 માર્ચની સવારે શેર કરી હતી, જ્યારબાદ અત્યાર સુધી 3 હજારથી વધુ લાઇક્સ થઇ ચૂક્યા છે. સાથે જ 500થી વધુ રિટ્વિટ્સ થઇ ચૂક્યા છે. લોકો ડૉક્ટર આરપી યાદવના ખુબ વખાણ કરી રહ્યા છે.