પોર્ન કાંડ / રાજ કુન્દ્રાની ધરપકડ થયા બાદ એવી ઘટના બની હતી કે હવે પોલીસ એ દિશામાં દોડતી થઈ

• કસ્ટડી વધારીને 27 જુલાઈ કરી નાંખી
• શિલ્પા શેટ્ટીએ રાજની ધરપકડને ખોટી ગણાવી
• ક્રિકેટ બેટિંગ કંપનીનું નામ પણ આ કેસમાં સામે આવ્યું 

કસ્ટડી વધારીને 27 જુલાઈ કરી નાંખી

બૉલીવુડ એક્ટ્રેસ શિલ્પા શેટ્ટી અને તેના પતિની મુશ્કેલીઓ દિવસેને દિવસે વધતી રહી છે, કોર્ટે 23 જુલાઈથી તેની કસ્ટડી વધારીને 27 જુલાઈ કરી નાંખી છે. આ સમયે શિલ્પા શેટ્ટીના ઘરે ક્રાઇમ બ્રાંચની ટીમ  તેના ઘરે પૂછપરછ કરી રહી છે. આ બધા વચ્ચે પોલીસને એકદમ ઠોસ પુરાવા મળી રહ્યા છે. જેમાં સૌથી વધુ ચોંકાવનારી વાત એ છે કે રાજ કુન્દ્રાની ધરપકડ બાદ સર્વરમાંથી ઘણો બધો ડેટા ડિલીટ કરી દેવામાં આવ્યો છે. 

પોલીસ આ સમયે એ વ્યક્તિને શોધી રહી છે જેને આ સર્વરમાંથી બધો જ ડેટા ડિલીટ કરી નાખ્યો છે. આ ઉપરાંત CCTV ફૂટેજની પણ તપાસ કરવામાં આવી રહી છે. ફોરેન્સિકની આખી ટીમ ડેટા બચાવવાની તૈયારી કરી રહી છે. તમને જણાવી દઈએ કે ક્રિકેટ બેટિંગ કંપનીનું નામ પણ આ કેસમાં સામે આવી રહ્યું છે. આ કંપનીના અકાઉન્ટમાં ઘણી માત્રામાં રકમ ટ્રાન્સફર કરવામાં આવી હતી. 

શિલ્પા શેટ્ટીએ રાજની ધરપકડને ખોટી ગણાવી
પોર્ન વીડિયોના મામલામાં ફસાયેલ શિલ્પા શેટ્ટીના પતિ રાજ કુંદ્રાને લઈને પોલીસ શુક્રવારે તેના ઘરે પહોંચી હતી જેને પગલે શિલ્પાએ હાઈકોર્ટમાં અરજી કરી છે.  આ કેસમાં પોલીસ તેના ઘરમાં તપાસ કરી રહી છે અને કેટલાક પુરાવા મેળવવાનો પ્રયાસ કરી રહી છે. આ દરમિયાન  કોર્ટે100થી વધારે પોર્ન વીડિયો બનાવવાના આરોપમાં રાજ કુંદ્રાને પોલીસ કસ્ટડીમાં મોકલી દીધો છે. મુંબઈ પોલીસે રાજ કુંદ્રાની 19 જુલાઈની વચ્ચે ધરપકડ કરી હતી. તો કોર્ટે 23 જુલાઈથી તેની કસ્ટડી વધારીને 27 જુલાઈ કરી નાંખી છે. આ દરમિયાન શિલ્પા શેટ્ટીએ રાજની ધરપકડને ખોટી ગણાવતા હાઈ કોર્ટમાં અરજી કરી છે.

ક્રિકેટ બેટિંગ કંપનીનું નામ પણ આ કેસમાં સામે આવ્યું 
પોલીસનું કહેવું છે કે તેમણે પોર્ન કન્ટેન્ટથી જે કમાણી કરી હતી તેને ઓનલાઈન સટ્ટેબાજીમાં ખર્ય કરી હતી. એટલા માટે તેમના યથ બેંક અકાઉન્ટ અને યુનાઈટેડ બેંક અને આફ્રીકા વાળા ખાતાની તપાસ કરવામાં આવી રહી છે. આ દરમિયાન શિલ્પા અને રાજે બોમ્બે હાઈ કોર્ટેની વાટ પકડી છે. બન્ને તરફથી કોર્ટમાં ધરપકડને અયોગ્ય ગણાવવામાં આવી છે.