રાજ્યમાં આકરો ઉનાળો ચાલી રહ્યો છે પરંતુ સૌરાષ્ટ્રના કેટલાક વિસ્તારમાં વાતાવરણમાં પલટો જોવા મળ્યો છે.
સૌરાષ્ટ્રમાં વરસાદી માહોલ
અમરેલી,ભાવનગર પંથકમાં વરસાદ
વરસાદથી ગરમીમાં આંશિક રાહત
ચોમાસાની સત્તાવાર શરૂઆત થાય તે પહેલા આજે અમરેલીમાં ધોધમાર વરસાદ થયો.બપોર બાદ અચાનક વાતાવરણમાં આવેલા ફેરફાર બાદ ધૂળની ડમરીઓ ઉડવા લાગી અને, ત્યાર બાદ સતત એક કલાક કરતા વધુ સમય સુધી વરસાદ પડ્યો..અમરેલીના સાવરકુંડલા, વંડા, શેલના, ઘોબા સહિતના વિસ્તારોમાં વરસાદી ઝાપટા પડ્યા છે..જેના કારણે શેલણાની સૂતિશેલ નદી ફરી જીવંત બની અને પૂર જેવા દ્રશ્યો જોવા મળ્યા. સતત 42 ડિગ્રી કરતા પણ વધુ તાપમાન બાદ અચાનક આવેલા વરસાદના કારણે વાતવરણમાં ઠંડક પ્રસરી ગઈ છે.
ભાવનગરમાં વરસાદી ઝાપટા
તો બીજી તરફ ભાવનગરના ગ્રામ્ય વિસ્તારમાં પણ વરસાદી માહોલ જોવા મળ્યો હતો. જેસર તાલુકાના દેરલા,રાણીગામ પીપરડી જેવા ગામમાં વરસાદી માહોલને કારણે લોકોને ગરમીથી આંશિક રાહત મળી છે.પણ કેરી સહિતના ઉનાળુ પાકને નુકસાનની ભીતિ સર્જાઈ છે.
પાટણ અને અમદાવાદના વાતાવરણમાં પલટો
તો ઉત્તર ગુજરાતમાં પાટણના અનેક વિસ્તારોમાં વાતાવરણમાં પલટો આવ્યો છે. રાધનપુર તાલુકાનાં ગ્રામ્ય વિસ્તારોમાં વરસાદી ઝાપટું પડ્યું તેમજ મેમદાવાદ ગામ નજીકના વિસ્તારોમાં પવન સાથે વરસાદ જોવા મળ્યો હતો. મધ્ય ગુજરાતમાં અમદાવાદ જિલ્લામાં પણ મોડી સાંજે પવનના સુસવાટા સાથે વાતાવરણમાં ફેરબદલ થયું છે.
જાણો હવામાન વિભાગની આગાહી
વહેલા વરસાદની આગાહીની વચ્ચે રાજ્યમાં વરસાદ માટે હજુ જોવી રાહ પડશે.હાલ વરસાદની કોઇ સિસ્ટમ સક્રિય નથી. જો કે આગામી 8 જૂને દક્ષિણ ગુજરાતમાં સામાન્ય વરસાદ વરસી શકે છે. 24 કલાક સુધી રાજ્યમાં વાતાવરણ સામાન્ય રહેશે. 24 કલાક બાદ દક્ષિણ ગુજરાતમાં વાતાવરણમાં પલટો જોવા મળી શકે. સાઉથ ગુજરાતમાં થંડરસ્ટ્રોમ એક્ટિવિટિ રહી શકે છે તો અમદાવાદમાં ડ્રાય રહેવાની સાથે 40 થી 42 ડિગ્રી આસપાસ તાપમાન રહેવાની સંભાવના વ્યક્ત કરવામાં આવી છે. તો બીજી તરફ અમરેલી,ભાવનગરમાં પણ વાતાવરણમાં પલટો જોવા મળી શકે છે.