ગુજરાતમાં ચોમાસુ ભરપુર બેસી ગયુ છે. છેલ્લા 24 કલાકમાં રાજ્યના 98 તાલુકામાં વરસાદ પડ્યો છે. આજે સમગ્ર ગુજરાતમાં ભારેથી અતિભારે વરસાદની હવામાન વિભાગની આગાહી પણ છે.
છેલ્લા 24 કલાકમાં રાજ્યના 98 તાલુકામાં વરસાદ
નેત્રંગમાં 1.5 ઈંચ, વાલિયામાં 2 ઈંચ વરસાદ
ડેડિયાપાડામાં સવા 2 ઈંચ, વ્યારામાં 2.5 ઈંચ વરસાદ
રાજ્યમાં વરસાદી માહોલ જોવા મળી રહ્યો છે. રાજ્યમાં ક્યાંક ધીમીધારે તો ક્યાંક ધોધમાર વરસાદ વરસ્યો છે.
છેલ્લા 24 કલાકમાં રાજ્યના 98 તાલુકામાં વરસાદ પડ્યો છે. રાજ્યમાં સૌથી વધારે કોડિનારમાં 6 ઇંચ વરસાદ ખાબક્યો છે. લખતરમાં 3.5 ઇંચ, જાફરાબાદમાં 3.5 ઇંચ, વડિયામાં પોણા 3 ઇંચ, વ્યારામાં 2.5 ઇંચ વરસ્યો છે. જ્યારે બાબરામાં 2.5 ઇંચ, તાલાલામાં 2.5 ઇંચ, ડભોઈમાં 2.5 ઇંચ, બાવળામાં 2.5 ઇંચ, ડેડિયાપાડામાં સવા 2 ઇંચ અને વાંકાનેરમાં સવા 2 ઇંચ વરસાદ થયો છે.