રાજકોટમાં ધીમી ધારે વરસાદ ધાતર નદીમાં આવ્યું પૂર

છેલ્લા કેટલાક દિવસોથી વરસાદની રાહ જોઇ રહેલા રાજકોટવાસીઓ અને સૌરાષ્ટ્રના લોકોની આતુરતાનો અંત આવ્યો છે. રાજકોટ અને સૌરાષ્ટ્રભરમાં આજે વરસાદે દસ્તક દીધી છે. રાજકોટમાં વહેલી સવારથી ઝરમર વરસાદ વરસી રહ્યો છે તો અમરેલીના જાફરાબાદમાં ધોધમાર વરસાદ વરસતા ધાતર નદીમાં પૂર આવ્યું છે. તેમજ અમરેલી જિલ્લાના ગ્રામ્ય વિસ્તારોમાં પણ આજે ધીમી ધારે વરસાદ યથાવત છે.

વરસાદે સોમવારે રાત્રીનાં આગમન કરી મંગળવારે સાંજ સુધીમાં સાર્વત્રીક અડધાથી 6 ઇંચ જેવું પાણી વરસાવી દીઘું હતું. 

મળતી માહિતી અનુસાર ગીર-સોમનાથ જિલ્લામાં સૌથી વધુ વરસાદ પડ્યો હોવાનું જાણવા મળ્યું છે. રાવળમાં 6 ઇંચ ઊના- 4 ગીરગઢડા - 3.5 તાલાલા સુત્રાપાડા કોડીનારમાં 3-3 ઇંચ પાણી પડયું હતું.