રેલ્વે / ખાનગીકરણમાં મોદી સરકારની યોજના પર 'સ્પીડ બ્રેક'? હજારો કરોડનાં ટેન્ડર હોલ્ડ : સૂત્ર

• રેલ્વેએ 30 હજાર કરોડના ટેન્ડર હોલ્ડ પર મુક્યા 
• પ્રાઈવેટ ફર્મને ટેન્ડર આપતા પહેલા મુલ્યાંકન થશે 
• ખાનગી ક્ષેત્રે સરકાર ભાગીદારી વધારશે 

રેલ્વે મંત્રાલય દ્વારા 109 પ્રમુખ માર્ગો પર 30 હજાર કરોડના ટેન્ડર સાથે 151 પ્રાઈવેટ ટ્રેનોના સંચાલન માટે આપવામાં આવતા ટેન્ડર રોકવામાં આવ્યા છે. રેલ્વે મંત્રાલયના એક અધિકારી દ્વારા માહિતી આપવામાં આવી કે પ્રાઈવેટ ફર્મને ટેન્ડર આપતા પહેલા હાલમાં મંત્રાલય દ્વારા પહેલા તેનું મુલ્યાંકન કરવામાં આવશે. 

રેલ્વે નવા ટેન્ડર જાહેર કરશે 

મંત્રાલયના અધિકારીએ નામ ન આપવાની શરતે જણાવ્યું તે ખાનગી ટ્રેનોના ટેન્ડર રોકી દેવામાં આવ્યા છે. ખાનગી કંપનીઓની ઓછી ભાગીદારીને લઈને સમગ્ર મામલે પુન મુલ્યાંકન કરવામાં આવશે. બાદમાં રેલ્વે દ્વારા નવા ટેન્ડર જાહેર કરવામાં આવશે. 

12માંથી 3 લોકોએ બોલી લગાવી 

વધુમાં તેમણે કહ્યુ કે 12 જેટલા ગ્રુપ ટેન્ડર માટે બોલી લગાવે છે જે પૈકી ખાલી 3 લોકોની બોલી મળી છે. જેથી ટેન્ડર હાલ કોને આપવામાં આવે તે મુદ્દે મુલ્યાંકન પ્રક્રિયા કરવામાં આવી રહી છે. દેશમાં હાલ તેજસ જેવી પ્રાઈવેટ ટ્રેનોને લઈને રેલ્વે ખાનગી ક્ષેત્રોમાં ભાગીદારી વધારવાને લઈને યોજનાઓ બનાવી રહ્યું છે. 

30 હજાર કરોડના રોકાણના આશા 

સમગ્ર મામલે સરકાર 30 હજાર કરોડથી પણ વધારે રોકાણની આશા રાખી રહ્યું છે. ગત વર્ષે જુલાઈ 2020માં રેલ મંત્રાલયે 109 રૂટ પર 151 મોર્ડન ટ્રેનને લઈને પ્રાઈવેટ કંપનીઓ પાસે આવેદન માગ્યું હતું. 

માત્ર 2 કંપનીઓએ રસ દાખવ્યો 

ઉલ્લેખનીય છે કે રેલ્વેના ટેન્ડરો ખરીદવા માટે માત્ર 2 કંપનીઓએ રસ દાખવ્યેો છે. જેથી રેલ્વેના મહત્વના પ્રોજેક્ટોને ઘણી ઠંડી પ્રતિક્રીયા મળી રહી છે. જેથી રેલ્વે દ્વારા હાલ ટેન્ડરનો રદ કવામાં આવ્યા છે. સાથેજ હવે સમગ્ર મામલે પુન મુલ્યાંકન કરીને તેઓ નવા ટેન્ડર જાહેર કરશે.