અભિયાન / હવે ખાલી પ્લાસ્ટિકની બોટલ આપવા બદલ મળશે આટલા રૂપિયા, રેલ્વે બનાવશે ટી-શર્ટ

રેલ્વે સ્ટેશનો અને ટ્રેનના ડબ્બામાં ખાલી પડેલ પ્લાસ્ટિકની બોટલો હવે ટૂંક સમયમાં એક વીતેલ ભૂતકાળ બની જશે. કેમ કે રેલ્વે, પાણીની આ ખાલી પ્લાસ્ટિક બોટલોથી ટી-શર્ટ અને ટોપી બનાવી રહી છે. આ માટે બોટલોને ભેગી કરવા રેલ્વેએ એક અનોખો નુસખો અપનાવી લીધો છે. પ્લાસ્ટિકની બોટલને જમા કરનારા લોકો પ્રત્યે બોટલ માટે પાંચ રૂપિયા આપવામાં આવશે. આ પગલાંથી પર્યાવરણને સંરક્ષિત કરવામાં પણ મદદ મળશે. પૂર્વ મધ્ય રેલ્વેનાં ચાર સ્ટેશનો પટના જંક્શન, રાજેન્દ્રનગર, પટના સાહિબ અને દાનાપુર સ્ટેશન પર રિવર્સ વેંડિંગ મશીન લગાવ્યુ છે. જેમાં પાણીની પ્લાસ્ટિક બોટલોને ક્રશ કરવાથી ટી-શર્ટ અને ટોપી બનાવવામાં આવી રહી છે.

પૂર્વ મધ્ય રેલ્વેના મુખ્ય જનસંપર્ક અધિકારી (સીપીઆરઓ) રાજેશ કુમારે આઇએએનએસથી કહ્યું, "રેલ્વે સ્ટેશનો પર બેકાર પડી રહેનાર ખાલી પાણીની પ્લાસ્ટિક બોટલોથી પૂર્વ મધ્ય રેલ્વે હવે ટી-શર્ટ બનાવી રહ્યા છે. રેલ્વે સ્ટેશનો પર લાગેલ બોટલ ક્રશર મશીનના પ્લાસ્ટિકનો ઉપયોગ ટી-શર્ટ બનાવવા માટે થશે." તેઓએ કહ્યું કે, "આ ટી-શર્ટ તમામ વાતાવરણમાં પહેરવા લાયક રહેશે. ટી-શર્ટ બનાવવા માટે રેલ્વેનો મુંબઇની એક કંપની સાથે કરાર થયો. જલ્દી આ પ્લાસ્ટિકની બોટલોથી બનેલ ટી-શર્ટ બજારમાં લોકો સુધી ઉપલબ્ધ થશે.

તેઓએ કહ્યું કે, હજી હાલમાં જ ઝારખંડની રાજધાની રાંચીમાં આવા જ ટી-શર્ટોનું પ્રદર્શન લગાવ્યું હતું. જેને લોકોએ ખૂબ પસંદ કર્યુ. તેઓએ જણાવ્યું કે, આનાંથી સ્ટેશનો અને પાટાઓ પર છોડવામાં આવેલ પ્લાસ્ટિક કચરા અને પ્રદૂષણથી રેલ્વેને મુક્તિ મળશે. તેઓએ કહ્યું કે, "એક અનુમાન અનુસાર ભારત વિશ્વમાં ઉપભોગ થનાર પ્લાસ્ટિકનાં બેથી ત્રણ ટકાનો ઉપભોગ કરે છે. પ્રતિ વ્યક્તિ પ્રતિ દિન પ્લાસ્ટિક સરેરાશ વપરાશ સાત કિલોગ્રામથી આઠ કિલોગ્રામ છે. એકલા રેલ્વેમાં પાણીની બોટલનાં કુલ કચરાનો પાંચ ટકાનું જેમાં યોગદાન હોય છે.

સીપીઆરઓ કુમારે કહ્યું કે, યાત્રીને પોતાની ખાલી બોટલોને પટના જંક્શન, રાજેન્દ્રનગર, પટના સાહિબ અને દાનાપુર સ્ટેશન પર લાગેલ બોટલ ક્રશર મશીનમાં નાખવાનું રહેશે. ક્રશર મશીનમાં બોટલ નાખતી વેળાએ મોબાઇલ નંબર નાખવો પડે છે. ત્યાર બાદ બોટલ નાખવા અને તત્પશ્ચાત ક્રશ થવા પર થેન્ક્યુ મેસેજ સાથે રકમથી સંબંધિત વાઉચર પણ મળી જાય છે.