મોટા સમાચાર / બિહારમાં સતત ત્રીજા દિવસે અજંપો: ગયામાં ટ્રેનમાં આગચંપી, અનેક જગ્યાએ હિંસા ફાટી

• રેલ્વેની પરીક્ષામાં ધાંધલી થતાં વિદ્યાર્થીઓ ઉગ્ર બન્યાં
• વિદ્યાર્થીઓએ હોબાળો મચાવ્યો
• ઉગ્ર આંદોલનને જોતાં પોલીસે ટિયર ગેસના સેલ છોડ્યાં

બિહારના ગયામાંથી એક મોટા સમાચાર સામે આવી રહ્યા છે. જ્યાં રેલવે પરીક્ષામાં ધાંધલીના આરોપને લઈને વિદ્યાર્થીઓ ઉગ્ર પ્રદર્શન કરી રહ્યા છે. આ જ ક્રમમાં બુધવારે હજારોની સંખ્યામાં ગયા જંક્શન પર પહોંચેલા વિદ્યાર્થીઓએ ભારે હોબાળો મચાવ્યો હતો. ઉપદ્રવી વિદ્યાર્થીઓએ પહેલા ગયા જંક્શન પર શ્રમજીવી એક્સપ્રેસ પર પથ્થરમારો કર્યો અને પોલીસ પર પણ પથ્થરાઓ માર્યા હતા. બાદમાં કેટલીય જગ્યાએ તોડફોડ પણ કરી હતી. ત્યાર બાદ પોલીસે જ્યારે ઉગ્ર વિદ્યાર્થીઓને ત્યાંથી ભગાડ્યા તો ગયા સ્ટેશનથી અડીને આવેલી એક ટ્રેનના ડબ્બામાં આગ લગાવી દીધી હતી.

ગયા જંક્શન પર હોબાળો કર્યા બાદ તોફાન કરી રહેલા વિદ્યાર્થીઓએ કરીમગંજની પાસે પહેલા ઊભેલી ખાલી ટ્રેનને ટાર્ગેટ બનાવી અને જોતજોતામાં ડબ્બામાં આગ લગાવી દીધી. જેમાં ટ્રેનનો ડબ્બો બળીને ખાક થઈ ગયો હતો. આ મામલા પર ગંભીરતાથી એક્શન લેતા જિલ્લા પોલીસ અને રેલ્વે પોલીસે કમાન સંભાળી લીધી છે. હકીકતમાં ઉગ્ર થઈ ચુકેલા વિદ્યાર્થીઓ સતત રેલવેની પરીક્ષામાં ધાંધલીનો આરોપ લગાવી રહ્યા છે. પોલીસ દ્વારા ઉપદ્રવીઓને કંટ્રોલ કરવા માટે ટિયર ગેસના સેલ છોડવામાં આવી રહ્યા છે. સાથે જ પોલીસે ઉપદ્રવીઓને ત્યાં ખદેડ્યા છે. હાલમાં પણ સ્થિતી ચિંતાજનક બનેલી છે.

આ અગાઉ મંગળવારે પણ આરા, નવાદા, મોતિહારી, સીતામઢી સહિત કેટલાય શહેરોમાં વિદ્યાર્થીઓ ઉગ્ર પ્રદર્શન કર્યું હતું. ભારતીય રેલની RRB NTPC Resul અનિયમિતતાનો આરોપ લગાવીને વિરોધ પ્રદર્શન કરી રહેલા વિદ્યાર્થીઓની નારાજગી જોતા રેલ મંત્રાલયે આગળની એનટીપીસી અને લેવલ 1 પરીક્ષા હાલમાં રોક લગાવાની સાથે વિદ્યાર્થીઓ માટે સારી પહેલ કરવામાં આવી છે. રેલ મંત્રાલયે વિદ્યાર્થી પાસેથી તેમની સમસ્યા સાંભળવા અને સલાહ સૂચનો પણ મગાવ્યા છે. તેના માટે વિદ્યાર્થીઓને ઈમેલ પણ આપવામાં આવ્યા છે. જેના દ્વારા વિદ્યાર્થીઓ પોતાની વાત રેલ્વેની હાઈપાવર કમિટિ સમક્ષ રાખી શકશે.