બાલાસોર ટ્રિપલ એક્સિડન્ટ / 275થી વધુ લોકોનો ભોગ લેનારી ઓડિશા ટ્રેન દુર્ઘટનાની CBI તપાસ કરશે, રેલ મંત્રી અશ્નિની વૈષ્ણવનું મોટું એલાન

• ઓડિશા ટ્રેન દુર્ઘટનાની સીબીઆઈ થશે
• બાલાસોરમાં  રેલ મંત્રી અશ્નિની વૈષ્ણવનું મોટું એલાન 
• રેલવે બોર્ડે કરી હતી સીબીઆઈ તપાસની ભલામણ
• દુર્ઘટનામાં 275થી વધુ લોકોના થયા છે મોત 

રેલવેએ ઓડિશા ટ્રેન દુર્ઘટનાની સીબીઆઈ તપાસની ભલામણ કરી છે. રેલવે મંત્રી અશ્વિની વૈષ્ણવે રવિવારે ભુવનેશ્વરમાં એક પ્રેસ કોન્ફરન્સ દરમિયાન આ માહિતી આપી હતી. તેમણે કહ્યું કે મુખ્ય લાઇન પર સમારકામનું કામ પૂર્ણ થઈ ગયું છે. ઇલેક્ટ્રિફિકેશનનું કામ હજુ પણ ચાલુ છે. રેલવે ઘાયલો અને મૃતકોના પરિવારજનોના સંપર્કમાં છે. રેલવેએ ભલામણ કરી છે કે આ તપાસ સીબીઆઈ દ્વારા કરવામાં આવે. તમામ સંજોગોને ધ્યાનમાં રાખીને તેને વધુ તપાસ માટે સીબીઆઇને સોંપવામાં આવશે. રેલવે બોર્ડ દ્વારા તેની ભલામણ કરવામાં આવી રહી છે.

Railway Board recommends the probe related to #OdishaTrainAccident to CBI, announces Railways minister Vaishnaw pic.twitter.com/phjRdcH3Pl

— ANI (@ANI) June 4, 2023

બાલાસોરમાં 24 કલાક યુદ્ધના ધોરણે કામ
ઓડિશાના બાલાસોરમાં જ્યાં ટ્રેન દુર્ઘટના થઈ છે ત્યાં 24 કલાક યુદ્ધના ધોરણે કામ ચાલી રહ્યું છે. રેલવે મંત્રી અશ્વિની વૈષ્ણવ સતત ઘટના સ્થળે હાજર છે. સેંકડો રેલવે કર્મચારીઓ, બચાવ કર્મચારીઓ, ટેક્નિશિયનથી લઈને એન્જિનિયરો દિવસ રાત કામ કરી રહ્યા છે. અકસ્માત બાદ જે સ્થિતિ સ્થળ પર હતી તે ઝડપથી બદલાઈ રહી છે. ટ્રેક પર વેરવિખેર પડેલી બોગીઓને હવે હટાવીને બાજુ પર લઈ જવામાં આવી છે. અકસ્માત બાદ એક્સપ્રેસ ટ્રેન અને માલગાડી બંનેના બાકી રહેલા કોચને પણ ટ્રેક પરથી હટાવી દેવામાં આવ્યા છે. કોચમાં ફસાયેલા લોકોને પહેલા જ બહાર કાઢી લેવામાં આવ્યા છે અને હવે ટ્રેકની પુન:સ્થાપનાનું કામ ઝડપથી ચાલી રહ્યું છે.

275થી વધારે લોકોના મોત 
ઓડિશાના બાલાસોરમાં થયેલા ટ્રેન અકસ્માતને બે દિવસ વીતી ગયા છે. 2 દિવસથી 2 કલાક ઘટના સ્થળે બચાવ કાર્ય ચાલી રહ્યું છે. બે દિવસ બાદ ટ્રેનના કોચમાં ફસાયેલા તમામ મૃતદેહોને બહાર કાઢવામાં આવ્યા છે. આ અકસ્માતમાં 275 લોકોના મોત થયા છે, જ્યારે ઘાયલોની સંખ્યા 1100થી વધુ છે.