રાજકારણ / જલીકટ્ટુ જોવા મદુરાઈ પહોંચ્યા રાહુલ ગાંધી, સાંજે નડ્ડા કરશે સ્થળની મુલાકાત

• અલાગિરીના ગઢમાં ડીએમકે કરી રહી છે પોંગલ પર મોટું આયોજન
• પાર્ટી અધ્યક્ષ જેપી નડ્ડા  આજે તિરુવલૂર પહોંચશે
• જલ્લીકટ્ટુનો આનંદ ઉઠાવી રહ્યા છે રાહુલ ગાંધી

પાર્ટી અધ્યક્ષ જેપી નડ્ડા  આજે તિરુવલૂર પહોંચશે

રાજ્ય સરકારે પ્રત્યેક પરિવારને 2500 રુપિયા રોકડા, શેરડી, એક શર્ટ અને સાડીની સાથે પોંગલ બનાવવાની સામગ્રી આપવાની જાહેરાત કરી છે. મુખ્યમંત્રી પલાનીસામી અને સ્વાસ્થ્ય મંત્રી વિજયભાસ્કર પોતે આ ભેટને વહેંચી રહ્યા છે. ત્યારે એઆઈએડીએમકેની સમર્થક ભાજપ આ પ્રસંગના ફાયદો લેવામાં લાગી છે. પાર્ટી અધ્યક્ષ જેપી નડ્ડા  આજે તિરુવલૂર પહોંચશે અને પોંગલ કાર્યક્રમમાં ભાગ લેશે. ત્યારે કોંગ્રેસના પૂર્વ અધ્યક્ષ અને વાયનાડથી સાંસદ રાહુલ ગાંધી ગુરુવારે મદુરાઈ પહોંચી ગયા છે. જ્યાં તે જલીકટ્ટુની રમત જોશે. આ રમતનું આયોજન ખેડૂતો દ્વારા કરવામાં આવે છે.

Tamil Nadu: Congress Leader Rahul Gandhi and DMK President MK Stalin's son and actor Udhayanidhi present at #Jallikattu event, which began today at Avaniyapuram, Madurai. pic.twitter.com/JgRzLXJnqa

— ANI (@ANI) January 14, 2021

જલ્લીકટ્ટુનો આનંદ ઉઠાવી રહ્યા છે રાહુલ ગાંધી

કોગ્રેસ નેતા રાહુલ ગાંધી અને ડીએમકે અધ્યક્ષ એમકે સ્ટાલિનના દીકરા અને અભિનેતા ઉદયનિધિ જલ્લીકટ્ટુ કાર્યક્રમમાં પહોંચીને આનંદ ઉઠાવી રહ્યા છે. આ કાર્યક્રમની શરુઆત આજે મદુરાઈના અવનીપુરમમાં થઈ ગઈ છે.

અલાગિરીના ગઢમાં ડીએમકે કરી રહી છે પોંગલ પર મોટું આયોજન

થોડાક મહિના પહેલા ડીએમકે છોડનાર અલાગિરીના ગઢ મદુરાઈમાં ડીએમકે પોંગલ પર મોટું આયોજન કરવાની છે. આ ઉપરાંત પાર્ટી લોકોને લેપટોપ અને સિલાઈ મશીન વહેંચી રહી છે. ત્યારે આની પહેલા, કમલ હાસનની પાર્ટી કહી ચૂકી છે કે સત્તામાં આવવા પર ગૃહિણીઓને વેતન અપાવવાનો કાયદો લાવશે.