- મોંઘવારી વચ્ચે રાહુલ ગાંધીએ સિલિન્ડર અને મોટરસાઈકલ પર ચઢાવ્યો ફૂલોનો હાર
- રાહુલ ગાંધીએ ટ્વિટ કરીને મોદી સરકાર પર કટાક્ષ કર્યો
- પ્રિયંકા ગાંધી શિમલામાં DC ઓફિસની બહાર વિરોધ પ્રદર્શન કરશે
કોંગ્રેસ નેતા રાહુલ ગાંધીએ અન્ય કોંગ્રેસી નેતાઓ સાથે મોંઘવારી અને પેટ્રોલ-ડીઝલના વધતા જતા ભાવ સામે પ્રદર્શન કર્યું છે અને સિલિન્ડર અને મોટરસાઈકલ પર ફૂલોનો હાર પહેરાવ્યો હતો.
પ્રદર્શનની સાથે-સાથે રાહુલ ગાંધીએ ટ્વિટર પર પીએમ મોદી પર પણ નિશાન સાધ્યું છે. તેઓએ લખ્યું કે, 'प्रश्न न पूछो ‘फ़क़ीर’ से, कैमरा पर बाँटे ज्ञान। जुमलों से भरा झोला लेकर, लूटे हिंदुस्तान॥'
કોંગ્રેસના પ્રદર્શન પર કેન્દ્રીય મંત્રી મુખ્તાર અબ્બાસ નકવીએ નિશાન સાધ્યું છે. તેઓએ જણાવ્યું કે, કોંગ્રેસના લોકોને આટલી મહેનત કરવાની જરૂર નથી. તેઓ મનમોહન સિંહના ઘર સુધી પદયાત્રા કરે ત્યારે તેઓને સમજાશે કે મોંઘવારી કેમ વધી હતી, આજે મોંઘવારી સપ્લાય ચેન અને યુદ્ધના કારણે મોંઘવારી વધી છે, યુકેમાં 20% વધારે મોંઘવારી વધી છે.
છેલ્લાં 10 દિવસમાં 9મી વખત પેટ્રોલ-ડીઝલમાં ભાવવધારો
વિજય ચોક ખાતે રાહુલ ગાંધીએ કહ્યું કે, 'છેલ્લાં 10 દિવસમાં 9મી વખત પેટ્રોલ અને ડીઝલના ભાવમાં વધારો કર્યો છે અને તેનું પરિણામ મધ્યમ વર્ગ અને ગરીબ લોકો પર પડે છે, અમારી માંગ છે કે સરકાર પેટ્રોલ-ડીઝલનાં ભાવમાં વધારો બંધ કરે, નહીં તો દેશભરમાં અમારું પ્રદર્શન ચાલશે અને ઘણા લાંબા સમય સુધી ચાલુ રહેશે.'
અધીર રંજન ચૌધરીએ કહ્યું કે, 'મોદી સરકાર જે રીતે સામાન્ય લોકોના ખિસ્સા ખાલી કરી રહી છે તેની વિરૂદ્ધમાં અમે વિરુદ્ધ પ્રદર્શન કરી રહ્યાં છે, PM મોદીએ છેલ્લાં 10 દિવસમાં 9મી વખત પેટ્રોલ-ડીઝલના ભાવમાં વધારો કરીને ઈતિહાસ રચ્યો છે, 137 દિવસ બાદ આડેધડ ભાવ વધારો થઈ રહ્યો છે. અમારી માંગ છે કે સરકાર આ ભાવ પરત લે.'
પ્રિયંકા ગાંધી શિમલામાં DC ઓફિસની બહાર કરશે વિરોધ પ્રદર્શ
આજે દેશના અનેક જિલ્લાઓ સિવાય હિમાચલ પ્રદેશના શિમલામાં પણ કોંગ્રેસ વિરોધ પ્રદર્શન કરવા જઈ રહ્યું છે. ત્યારે એવાં અહેવાલ છે કે પાર્ટીના મહાસચિવ પ્રિયંકા ગાંધી વાડ્રા જિલ્લાના ડીસી ઓફિસની બહાર આ વિરોધ પ્રદર્શનમાં સામેલ થઈ શકે છે.
