અજિંક્ય રહાણેએ ચેન્નાઈમાં રમાઈ રહેલ બીજી ટેસ્ટની પહેલી ઈનિંગમાં 107 બોલમાં હાફ સેન્ચ્યુરી લગાવી છે. તેની સાથે સાથે રોહિત શર્મા જોડે શતકીય પાર્ટનરશિપ પણ કરી હતી.
પહેલી ટેસ્ટમાં રહાણે ફક્ત 1 રન બનાવી શક્યો હતો
હાફ સેન્ચ્યુરી ફટકારી આલોચકોનાં મોઢા બંધ કર્યા
વિરાટ કોહલીએ કહ્યું રહાણે મોટો મેચ પ્લેયર છે
ટીમમાંથી હકાલ કરવાની વાત કરી હતી
જે બેટ્સમેનને મુશ્કેલ સમયમાં ટીમને હંમેશા સપોર્ટ કર્યો છે, જે બેટ્સમેને હંમેશા પોતાના પહેલા ટીમનો વિચાર કર્યો છે. તેવા ખેલાડી પર સવાલ ઉઠાવવામાં આવ્યા હતા. અજિંક્ય રહાણેએ પહેલી ટેસ્ટમાં બે ઈનિંગમાં ફક્ત 1 રન બનાવી શક્યો હતો ત્યારે આલોચકોએ તેને ટીમમાંથી હકાલ કરવાની વાત કરી નાંખી હતી.
આલોચકોનાં મોઢા બંધ કરી દીધા
બીજી ટેસ્ટમાં હાફ સેન્ચ્યુરી ફટકારીને અજિંક્ય રહાણેએ તેનાં આલોચકોનાં મોઢા બંધ કરી દીધા છે. રહાણેએ 107 બોલમાં તેનાં ટેસ્ટ કરિયરની 23મી હાફ સેન્ચ્યુરી લગાવી હતી. રહાણેએ મેલબર્ન ટેસ્ટ બાદ પહેલીવાર 50થી વધુ રન ફટકાર્યા છે.
છેલ્લી 15 ટેસ્ટનાં આંકડા જોઈ લો
ઉલ્લેખનીય છે કે, રહાણે છેલ્લી 7 ઈનિંગથી અર્ધશતક નહોતો લગાવી શક્યો જ્યારબાદ તેની કાબેલિયત પર શંકા કરવામાં આવી રહી હતી. પણ રહાણેએ બીજી ટેસ્ટ પહેલા કહી દીધુ હતું કે જેને રન નથી દેખાતા એ છેલ્લી 15 ટેસ્ટ મેચોનાં આંકડા જોઈ લે. કેપ્ટન વિરાટ કોહલીએ પણ કહી દીધુ હતું કે રહાણે ટીમનો એક મહત્વનો અને મોટો મેચ પ્લેયર છે.
રહાણેની હાફ સેન્ચ્યુરી છે ખાસ
અજિંક્ય રહાણેની હાફ સેન્ચ્યુરી એટલા માટે ખાસ છે કેમકે તેણે ક્રિઝ પર ત્યારે બેટ મુક્યુ હતું જ્યારે વિરાટ કોહલી મોઈન અલીનાં બોલ પર શૂન્ય પર આઉટ થયો હતો. વિરાટની વિકેટ બાદ ટીમ ઈન્ડિયા ફસાઈ રહી હતી ત્યારે રહાણેએ દબાણને દૂર કરવા માટે ટીમ ઈન્ડિયા માટે હાફ સેન્ચ્યુરી અને રોહિત શર્મા સાથે શતકીય પાર્ટનરશિપ કરી હતી.