PHOTO / રાફેલની તસ્વીરોઃ માછલીની આંખને પણ વિંધવાની ક્ષમતા જેવી તેની તમામ ખાસિયતો મંત્રમૃગ્ધ કરનારી

• એક કલાકમાં 1 હજાર 915 કિમીની સ્પીડે ઉડાન ભરી શકે
•  રડાર ક્રોસ સેક્શન અને ઈન્ફ્રારેડ સિગ્નેચર સાથે ડિઝાઈન કરાયું છે
•  વિજિલન્સ પણ મજબૂત બનશે

હથિયારોના સ્ટોરેજ માટે 6 મહિનાની ગેરન્ટી પણ છે. આ તમામ સુવિધાઓ ઉપરાંત રાફેલમાં રડાર સિસ્ટમ પર 1 ટનનો કેમેરા પણ છે. જે તેને બાકીના ફાઈટર વિમાનોથી અલગ કરે છે. રડાર સિસ્ટમ પર 1 ટન કેમેરાની સુવિધાને કારણે તેનું નિશાન અચૂક હોય છે. કેમેરો એટલો સંવેદનશીલ છે કે જમીન પરના નાના છીદ્રો પણ દેખાશે. સામાન્ય ભાષામાં કહીએ તો માછલીની આંખ એટલે કે પીન પોઈન્ટને પણ નિશાનો લગાવી શકે છે.

એક કલાકમાં 1 હજાર 915 કિમીની સ્પીડે ઉડાન ભરી શકે

રાફેલ એક કલાકમાં 1 હજાર 915 કિમીની સ્પીડે ઉડાન ભરી શકે છે. જ્યારે પાકિસ્તાનનું F-16 અને ચીનનું J-20 સ્પીડમાં રાફેલ કરતા આગળ છે. રાફેલ 15 હજાર 235 મીટરની ઉંચાઈએ ઉડી શકે છે. જ્યારે F-16 15240 અને ચીનનું J-20 18 હજાર મીટરની ઉંચાઈ ઉડી શકે છે. રાફેલ રેટ ઓફ ક્લાઈંબ એટલે કે પ્રતિ મિનિટમાં 18 હજાર 288 મીટરની ઉંચાઈએ પહોંચી શકે છે. જ્યારે F-16 15 હજાર 240 અને J-20 18 હજાર 288 મીટરની ઉંચાઈએ પહોંચી શકે છે. 

રાફેલને રડાર ક્રોસ સેક્શન અને ઈન્ફ્રારેડ સિગ્નેચર સાથે ડિઝાઈન કરાયું છે. જેમાં ગ્લાસ કોકપિટ છે. સાથે જ એક કમ્પ્યૂટર સિસ્ટમ છે. જે પાયલટને કમાન્ડ અને કંટ્રોલ કરવામાં મદદ કરે છે. જેમાં M88-2 આગમેંટેડ એન્જિન લાગેલા છે.

1 મિનિટમાં 60 હજાર ફૂટની ઉડાન

રાફેલમાં એક એડવાન્સ એવિયોનિક્સ સૂટ પણ છે. રાફેલમાં લગાવાયેલું રડાર, ઈલેક્ટ્રોનિક કમ્યુનિકેશન સિસ્ટમ અને સેલ્ફ પ્રોટેક્શન ઈક્વિપમેન્ટનની કિંમત સમગ્ર વિમાન કરતા 30 ટકા છે. રાફેલ એક મિનિટમાં 60 હજારની ફૂટની ઉંચાઈએ ઉડી શકે છે. સાથે 24 હજાર 500 કિલો વજન લઈ જવામાં સક્ષમ છે. રાફેલની વિઝિબિલિટી 360 ડિગ્રી છે. જેની મદદથી ચારેય તરફ નજર રાખી શકાય છે.

રાફેલની મારક ક્ષમતા વધારશે હેમર

રાફેલમાં નાના સ્તરના પરમાણુ હથિયાર લઈ જવાની ક્ષમતા આ હેમરમાં છે. ભારતીય વાયુસેના રાફેલ જેટની ક્ષમતા વધારવા માટે તેને હેમર મિસાઈલથી લેસ કરવાની તૈયારી થઈ ચૂકી છે.  હેમર એટલે કે હાઈલી એજાઈલ એન્ડ મૈનોવરેબલ મ્યુનિશન એક્ટેંડેડ જે હવાથી જમીન પર પ્રહાર કરનારા રોકેટની મદદથી ચાલતી મિસાઈલ કિટ છે. આ AASM શ્રેણીની મીડિયમ રેન્જ મિસાઈલ કિટ ફ્રાંસે પોતાના વાયુ અને નૌસેના માટે તૈયાર કરી હતી. તેમાં આઈએનએસ, જીપીએસ, આઈઆઈઆર ગાઈડન્સ કિટને ફિટ કરી શકાય છે. તેમાં સૈફરાન ઈલેક્ટ્રોનિક એન્ડ ડિફેન્સ વિકસિત કરાયેલી લેઝર, જીપીએસ અને આઈએનએસ ગાઈડન્સ સિસ્ટમ પણ લગાવાઈ છે.

આ છે હેમરની ખાસિયત

હેમરની મારક ક્ષમતા 60-70 કિલોમીટર સુધીની છે.  લદ્દાખના પહાડી વિસ્તારોમાં પણ નિશાન બનાવી શકે છે. દુશ્મન દેશી સીમા અને યુદ્ધના મેદાનમાં સામેલ થઈ શકે છે. દુશ્મનના બંકરોને નષ્ટ કરવાની તાકાત ધરાવે છે. ઈઝરાયલના સ્પાઈસ ગાઈડેડ બમ સિસ્ટમ સમાન છે. તેની કિટમાં 125 કિલો, 250 કિલો, 500 કિલો અને 1000 કિલો બમ ફિટ થઈ શકે છે. 1000 કિલોના બમ બંકર ઉડાવવાની ક્ષમતા છે. 250 કિલોના 6 હેમર સામગ્રી રાફેલ લઈ જઈ શકે છે. દુશ્મનની રડારમાં પણ ટ્રેસ કરી શકાતું નથી. એક સાથે 6 જગ્યાએ હુમલો કરવામાં સક્ષમ છે. 

પાકિસ્તાનના F-16 અને J-20ને રાફેલ આપશે પડકાર

રાફેલ ટ્વીન એન્જિન, ડેલ્ટા વિંગ, સેમી સ્ટીલ્થ કેપેબિલિટીઝ સાથે ફોર્થ જનરેશનનું ફાઈટર છે. તે માત્ર સ્ફૂર્તિલું જ નહીં પણ પરમાણુ હુમલો કરવામાં પણ સક્ષણ છે. પાકિસ્તાનના તાકાતવર ફાઈટર જેટ F-16 અને ચીનના J-20માં આ ખુબીઓ નથી. સૌથી મોટી વાત J-20ની ક્ષમતાને લઈને વિવાદ પણ છે. પશ્ચિમી દેશ આ ફાઈટર જેટને ચીનનું પ્રોપેગેંડા પણ ગણાવે છે. ચીન તેને ફોર્થ જનરેશનનું ફાઈટર જણાવે છે. જોકે જે રીતે ખુબીઓનો દાવો કરવામાં આવ્યો છે તે ખુબીઓ પાંચમા જનરેશનના ફાઈટર પ્લેનમાં હોય છે. હાલ તો વિશ્વમાં પાંચમા જનરેશનનું એક જ ફાઈટર પ્લેન છે જે F-22 છે.

ઉલ્લેખનીય છે કે 31 જાન્યુઆરી 2012માં દસોલ્ટ રાફેલે 126 એરક્રાફ્ટ સપ્લાયની MMRCA બીડ જીતી હતી. ત્યારબાદ 10 એપ્રિલ 2015માં નવી ડીલ હેઠળ 36 વિમાનની ખરીદીની જાહેરાત થઈ હતી. ત્યાર બાદ હવે આજે 7 હજાર કિમીનું અંતર કાપીને 5 રાફેલ ભારત પહોંચી રહ્યા છે.