મધ્યપ્રદેશમાં ખાસ પ્રકારની કેરી મળી રહી છે. તેને નૂરજહાં નામ અપાયું છે. આ 1 કેરીની કિંમત 1000 રૂપિયા છે અને તેને ફળોની મહારાણી કહેવાય છે.
મધ્યપ્રદેશમાં મળી રહી છે ખાસ પ્રકારની કેરી
1 કેરીની કિંમત 1000 રૂપિયા છે
ફળોની મહારાણીનું નામ નૂરજહાં રખાયુ છે
કેરીને ફળોનો રાજા કહેવાય તો મહારાણી કોણ. મધ્યપ્રદેશના કટ્ઠીવાડા વિસ્તારમાં એક ખાસ પ્રકારની કેરી મળી રહી છે. તેને ફળોની મહારાણી કહેવાય છે. આ 1 કેરીની કિંમત 1000 રૂપિયા છે. આ કેરની મધ્યપ્રદેશના અલીરાજપુર જિલ્લાના કટ્ઠી વાડામાં થાય છે. જે ગુજરાતની નજીક છે અને ઈંદોરથી 250 કિમી દૂર છે.
આ વર્ષે સારો પાક હોવાથી ભાવ આસમાને
મળતી માહિતી અનુસાર આ વર્ષે નૂરજહાંના એક ફળની કિંમત 500-1000 રૂપિયાની રખાઈ છે. આ વર્ષે પાક સારો થયો છે. અનેક જગ્યાઓએ તેનું બુકિંગ પહેલાથી થઈ ચૂક્યું છે.
કેટલું છે એક કેરીનું વજન
મળતી માહિતી અનુસાર નૂરજહાંનું ફળ ગુજરાતના કેરી રસિકોમાં પ્રિય છે. તેનું એક કેરીનું વજન 2થી 3.5 કિલોનું હોય છે. મધ્યપ્રદેશ અને ગુજરાતના કેરી પ્રેમીઓ તેનું પહેલાથી બુકિંગ કરાવી લે છે.
2019માં આ કેરીનું સામાન્ય વજન 2.75 ગ્રામ રહેતું અને ગ્રાહકો તેને 1200 રૂપિયામાં ખરીદતા હતા. ઉલ્લેખનીય છે કે આ કેરીના મ્હોર જાન્યુઆરી- ફેબ્રુઆરીમાં લાગતા અને તેની શરૂઆત જૂન મહિનામાં થતી. સ્થાનિકોનો દાવો છે કે કેરીનું આ ફળ એક ફૂટ લાંબુ હોય છે.