વિવાદ / "પંજાબના નવા મુખ્યમંત્રી મહિલાઓની સુરક્ષા માટે જોખમ રૂપ" રાષ્ટ્રીય મહિલા આયોગની અધ્યક્ષે આપ્યું ચોંકાવનારુ નિવેદન

• પંજાબના નવા CM ઘેરાયા વિવાદોમાં 
• રાષ્ટ્રીય મહિલા આયોગની અધ્યક્ષે આપ્યું ચોંકવાનારુ નિવેદન 
• મહિલાઓની સુરક્ષા માટે નવા CMને ગણાવ્યા જોખમરૂપ 

પંજાબના મુખ્યમંત્રી ચરણજીત સિંહ ચન્ની શપથ લીધા બાદ વિવાદોમાં ઘેરાયા છે. 2018માં મી ટૂં મૂવમેંટ વખતે તેમણે મહિલા આઈએએસ અધિકારીને તેમણે અશ્લિલ મેસેજ મોકલ્યો હતો તેવા તેમના આરોપ લાગ્યા હતા. જેથી રાષ્ટ્રીય મહિલા આયોગની અધ્યક્ષ રેખા શર્માએ નવા મુખ્યમંત્રી ચન્નીને મહિલાઓની સુરક્ષા માટે જોખમ રૂપ ગણાવ્યા છે. 

2018માં લાગ્યા હતા ગંભીર આરોપ 

સમગ્ર મામલે રેખા શર્માએ એ વાત પર હેરાનગતિ વ્યક્ત કરી કે મહિલાના નેતૃત્વ વાળી ટીમે ચન્નીને પંજાબના મુખ્યમંત્રી શા માટે બનાવ્યા. 2018માં મી ટૂ મૂવમેંટ વખતે નવા મુખ્યમંત્રી ચન્ની પર ગંભીર આરોપો લાગ્યા હતા. તેમને પાર્ટીમાંથી હટાવા માટે રાજ્ય મહિલા આયોગે ધરણા પણ આપ્યા હતા. પરંતુ કશું ન થયું. 

વિવાદ સમયે અમરિંદર સરકારમાં મંત્રી પદે 

જે સમયે ચન્ની વિવાદોમાં ઘેરાયા હતા તે સમયે તેઓ અમરિંદર સરકારમાં મંત્રી પદે હતા. સમગ્ર મામલે રેખા શર્માએ કહ્યું કે પંજાબના મુખ્યમંત્રી એ પાર્ટીથી જે પાર્ટીની પ્રમુખ એક મહિલા છે. સાથેજ તેમણે એવું કહ્યું કે ચન્ની મહિલાઓની સુરક્ષાને લઈને મોટો ખતરો છે. 

નવા CM સામે તપાસ થવી જરૂરી : રેખા શર્મા 

રાષ્ટ્રીય મહિલા આયોગની અધ્યક્ષ રેખા શર્માએ સમગ્ર મામલે એવું નિવેદન આપ્યું છે કે નવા મુખ્યમંત્રી ચન્ની સામે તપાસ થવી ખૂબ જરૂરી છે. કારણકે તે મુખ્યમંત્રી બનવાને લાયક નથી. સાથેજ તેમણે સોનિયા ગાંધીને એવી અપિલ કરવામાં આવી છે કે ચન્નીને મુખ્યમંત્રી પદ પરથી હટાવામાં આવે. 

મહિલા IAS અધિકારીને અશ્લિલ મેસેજ મોકલ્યા હોવાનો આરોપ 

ઉલ્લેખનીય છે કે 2018માં એક મહિલા આઈએએસ અધિકારીએ મુખ્યમંત્રી ચન્ની પર એવા આરોપ લગાવ્યા હતા કે તેમણે તેને અશ્લિલ મેસેજ મોકલ્યા હતા. તે સમયે પંજાબ મહિલા આયોગ અધ્યક્ષ મનીષા ગુલાટીએ રાજ્ય સરકાર પાસે રિપોર્ટ માગી તેની સામે કાર્યવાહી કરવા આદેશ આપ્યા હતા. તે સમયે તેઓ પંજાબના ટેક્નીકલ શિક્ષા મંત્રી હતા. જોકે મહત્વનું છે કે હવે તેઓ મુખ્યમંત્રી બન્યા બાદ આ મુદ્દો ઘણો ઉછળ્યો છે.