ચૂંટણી રણ / આખરે પંજાબ ચૂંટણીની તારીખ બદલાઈ, હવે 20 ફેબ્રુઆરીએ મતદાન, જાણો ચૂંટણી પંચે કેમ નિર્ણય ફેરવ્યો

• ચૂંટણી પંચે પંજાબ ચૂંટણીની તારીખ બદલી
• હવે 20 ફેબ્રુઆરીએ થશે એક તબક્કાનું મતદાન
• પહેલા 14 ફેબ્રુઆરીએ મતદાન થવાનું હતું
• તમામ પક્ષોએ મતદાનની તારીખ બદલવાની કરી હતી અપીલ
• સંત રવિદાસ જંયતિના માનમાં ચૂંટણી પંચે તારીખ બદલી 

ચૂંટણી પંચે પંજાબ વિધાનસભાની ચૂંટણીની તારીખ બદલી નાખી છે. પંજાબમાં પહેલા 14 ફેબ્રુઆરીએ  મતદાન થવાનું હતું પરંતુ હવે ચૂંટણી પંચે તેને બદલીને 20 ફેબ્રુઆરી કરી નાખી છે. સંત રવિદાસ જયંતી હોવાને કારણે લગભગ તમામ પક્ષોએ ચૂંટણીની તારીખ ફેરવવાની માગ કરી હતી જેને ચૂંટણી પંચે સ્વીકારી લીધી છે. સીએમ ચરણજીત સિંહ ચન્નીએ પણ ચૂંટણીની તારીખમાં ફેરફાર કરવાની અપીલ ચૂંટણી પંચને કરી હતી. 

Punjab Assembly election will be held on 20th February: ECI pic.twitter.com/rPJTAt0OEn

— ANI (@ANI) January 17, 2022

ચૂંટણી પંચે કેમ તારીખ બદલી

14 ફેબ્રુઆરીએ સંત રોહિદાસ જયંતિ હોવાની પહેલા સીએમ ચન્ની અને ત્યાર બાદ ભાજપે પણ પંજાબ વિધાનસભાની ચૂંટણીની તારીખમાં ફેરફાર કરવાનો પંચને અનુરોધ કર્યો હતો. આજે ચૂંટણી પંચે એક મોટી બેઠક યોજી હતી અને તેમાં મતદાનની તારીખ બદલવાનો નિર્ણય લીધો હતો. પહેલા 14 ફેબ્રુઆરીએ પંજાબમાં એક તબક્કામાં મતદાન થવાનું હતું પરંતુ હવે પંચે રાજકીય પક્ષોની આ માગ સ્વીકારી લઈને 20 ફેબ્રુઆરીએ એક તબક્કાના મતદાનનો નિર્ણય કર્યો છે. 

સીએમ ચન્નીએ ચૂંટણીની તારીખ બદલવાની કરી હતી માગ

સીએમ ચન્ની બાદ ભાજપે પણ કરી હતી આવી માગ 
બે દિવસ પહેલા પંજાબના મુખ્યમંત્રી ચરણજીત સિંહ ચન્નીએ ચૂંટણી પંચને પત્ર લખીને ચૂંટણીની તારીખ લંબાવવાની માંગ કરી હતી. તેમણે કમિશનને પત્ર લખ્યો છે કે 16 ફેબ્રુઆરીએ શ્રી ગુરુ રવિદાસ જયંતિ છે. સીએમ ચન્નીએ વિનંતી કરી છે કે ચૂંટણીની તારીખો 6 દિવસ માટે લંબાવવામાં આવે.

સીએમ ચન્ની બાદ ભાજપે પણ માંગ કરી હતી
આ પછી, રવિવારે ભાજપે મુખ્ય ચૂંટણી કમિશનર સુશીલ ચંદ્રાને પણ પત્ર લખીને ચૂંટણી સ્થગિત કરવાની માંગ કરી હતી. ભાજપે રવિદાસ જયંતિનો પણ ઉલ્લેખ કર્યો હતો. સીએમ ચન્ની અને ભાજપે પત્રમાં લખ્યું છે કે, પંજાબમાં લગભગ 32 ટકા અનુસૂચિત જાતિના લોકો રહે છે. મોટાભાગના લોકો 10 થી 16 ફેબ્રુઆરી વચ્ચે યુપી જશે. જેના કારણે તે ચૂંટણીમાં મતદાન કરી શકશે નહીં. આ જોતા મતદાન 5 થી 6 દિવસ લંબાવવું જોઈએ.