દક્ષિણ કાશ્મીરના પુલવામા જિલ્લાના હકરિપોરામાં આતંકવાદીઓ અને સુરક્ષાદળોની વચ્ચે થયેલા એન્કાઉન્ટરમાં એક વીડિયો સામે આવ્યો છે. આ વીડિયોમાં સેના અને જવાન એક આતંકવાદીની મા પાસે તેને સરેન્ડર કરવા માટે અપીલ કરાવી રહ્યા છે. ઉલ્લેખનીય છે કે ગત શુક્રવારે મધ્ય કાશ્મીરમાં બડગામના ચડૂરા વિસ્તારમાં સેના અને પોલીસને એક લશ્કરના આતંકીને સરેન્ડર કરાવવામાં સફળતા મળી હતી.
લશ્કરના 3 આતંકવાદીઓને ઠાર કર્યા
સેનાએ તેમને સરેન્ડર કરવા માટે સંપૂર્ણ તક આપી હતી
સેનાએ આતંકીની મા પાસે તેને સરેન્ડર કરાવવા માટે અપીલ કરાવી
હકરિપોરામાં સેનાની 50 આરઆરએ સીઆરપીએફ અને જમ્મુ કાશ્મીર પોલીસના જવાનોએ મંગળવારે એક જોઈન્ટ ઓપરેશનમાં લશ્કરના 3 આતંકવાદીઓને ઠાર કર્યા હતા. એન્કાઉન્ટર પહેલા સેનાએ તેમને સરેન્ડર કરવા માટે સંપૂર્ણ તક આપી હતી.
Surrender appeal by the mother of terrorist in #Pulwama area. Family and Security forces tried to convince him before the encounter.pic.twitter.com/r1jCn0HbTT
માનવતાનું ઉત્તમ ઉદાહરણ બની રહેલા સુરક્ષાદળનો વીડિયો સામે આવ્યો હતો. જે બાદ સેનાના એક જવાન એન્કાઉન્ટર સ્થળમાં ફસાયેલા આતંકીની મા પાસે તેને સરેન્ડર કરાવવા માટે અપીલ કરાવી રહ્યા છે. જે દરમિયાન એક જવાન લાઉડ સ્પીકર પર અપીલ કરાવી રહ્યો છે.
જ્યારે બીજો જવાન આતંકીની માની સામે ઢાલ બનીને ઉભેલો દેખાઈ રહ્યો છે. જેથી આતંકીઓ તરફથી ફાયરિંગ કરવામાં આવે તે તેની માતાને કોઈ નુકસાન ન થાય.વીડિયોમાં આતંકી નાઝિમની મા કહી રહી છે કે અહીં આવી જા, આવી જા નાઝિમ, માને માટે બહાર આવી જા, મા માટે છોડી દે ગન, આવી જા.
મળતી જાણકારી મુજબ નાઝિમ બીસીએનો અભ્યાસ કર્યો હતો અને 17 જૂન 2019ના રોજ તે આતંકી સંગઠન લશ્કર-એ- તોઈબામાં જોડાયો હતો. જો કે પોલીસ દ્વારા જારી કરવામાં આવેલા નિવેદનમાં આતંકીઓની ઔપચારીક રીતે કોઈના પણ મરવાના સમાચાર આવ્યા નથી.