- સંઘર્ષનો 'ભાર ઊંચકી'ને ગુરુરાજા પૂજારીએ જીત્યો બ્રોન્ઝ મેડલ
- સારા ડાયટના પણ પૈસા નહોતા.. અને પછી મહેનતથી આગળ વધ્યા
- શિક્ષકની સલાહને અનુસરીને વેઈટલિફ્ટિંગમાં આગળ વધ્યા ગુરુરાજા પૂજારી
બર્મિંગહામ કોમનવેલ્થ ગેમ્સમાં ભારતના 200થી વધુ ખેલાડીઓ ભાગ લઈ રહ્યા છે. આ દરમ્યાન તમામ ખેલાડીઓના દિલમાં એક જ વિચાર ચાલી રહ્યો હતો કે, તેઓ મેડલ જીતીને દેશનું નામ રોશન કરે. ખેલાડીઓની એ જ ભીડમાં નાના કદના વેઇટલિફ્ટર ગુરુરાજા પૂજારીએ પણ CWGના બીજા દિવસે ભારતની બેગમાં બ્રોન્ઝ મેડલ મૂક્યો અને ભવે વિજય મેળવ્યો. તેમણે ક્લીન એન્ડ જર્કના ત્રીજા પ્રયાસમાં 151 કિલો વજન ઉઠાવીને મેડલ મેળવ્યો હતો. આ 148 વજન ઊંચકવાના તેના વ્યક્તિગત રેકોર્ડ કરતાં ત્રણ કિલો વધુ હતું.
વેઇટલિફ્ટર ગુરુરાજા પૂજારી
કર્ણાટકના કુંડાપુરના રહેવાસી ગુરુરાજા પૂજારી ખૂબ જ ગરીબ પરિવારમાંથી આવે છે. તેના પિતા ટ્રક ડ્રાઈવર તરીકે કામ કરે છે. ગુરુરાજા 2018 કોમનવેલ્થ ગેમ્સમાં સિલ્વર મેડલ જીતી ચૂક્યો છે. ગત કોમનવેલ્થ ગેમ્સમાં 29 વર્ષીય ગુરુરાજાએ 56 કિગ્રા વજન વર્ગમાં 249 કિલો વજન ઉપાડ્યું હતું.
ફિલ્મી સ્ટોરી જેવી છે ગુરુરાજાની કહાની
દેશ માટે કોમનવેલ્થ ગેમ્સમાં મેડલ જીતનાર ગુરુરાજા પૂજારીની વાર્તા કોઈ ફિલ્મથી ઓછી નથી. વર્ષ 2008 ઓલિમ્પિકમાં જ્યારે ગુરુરાજાએ સુશીલ કુમારના ગળામાં મેડલ જોયો ત્યારે તેમણે નક્કી કર્યું કે, તે કુસ્તીમાં કારકિર્દી બનાવશે. આ માટે તેણે અખાડામાં જવાનું શરૂ કર્યું પરંતુ તેમની શાળાના શિક્ષકે તેને સલાહ આપી. જે બાદમાં તેમણે કુશ્તીને બદલે વેઈટલિફ્ટિંગમાં હાથ અજમાવ્યો. શિક્ષકની સલાહને અનુસરીને તેમણે પોતાને વેઈટલિફ્ટિંગમાં નાખ્યો, પરંતુ આ દરમ્યાન તેમણે ઘણા પડકારોનો સામનો કરવો પડ્યો. તેમના પિતા મહાબલા પૂજારી પાસે એટલા પૈસા ન હતા કે તેઓ તેમને સારો આહાર આપી શકે. તેમના પિતા પણ બહારના લોકો પાસેથી ઘણું સાંભળતા હતા કે તે ક્યારે તેના પુત્ર માટે આ બધું કરવાનું ચાલુ રાખશે.
નશીબ ચમક્યું અને એરફોર્સમાં નોકરી મળી
ગુરુરાજાએ ધીમે ધીમે વેઈટલિફ્ટિંગમાં ઘણું નામ કમાવવાનું શરૂ કર્યું. આ દરમ્યાન તેમણે જે પણ ઈનામ જીત્યું તે તે પોતાના ડાયટ પર ખર્ચ કરતો ગયો. આવી સ્થિતિમાં તેમણે નોકરીની શોધમાં સેનામાં જોડાવાનો પ્રયાસ કર્યો, પરંતુ તેના નાના કદના કારણે તેને ત્યાં તક ન મળી. આવી સ્થિતિમાં તે હતાશ થઈ ગયો પરંતુ તેને કોઈ પાસેથી માહિતી મળી કે એરફોર્સમાં ઊંચાઈને લઈને છૂટ છે. પછી શું હતું તેઓ મહેનત કરીને એરફોર્સમાં જોડાયા. જે બાદમાં તેમણે પાછું વળીને જોયું નથી અને વેઈટલિફ્ટિંગમાં દેશનું નામ રોશન કરી રહ્યા છે.
