ગૌરવ / ગુજરાતના ગામડાંની આ દીકરીને વિશ્વકક્ષાએ આપાયું ‘મીસ યોગી’નું સન્માન, બાંગ્લાદેશમાં ગોલ્ડ મેડલ અપાયો

સાબરકાંઠા જીલ્લાના રાજેન્દ્રનગર આર્ટસ કોલેજના ત્રીજા સેમિસ્ટરમાં અભ્યાસ કરતી પુજા પટેલ મુળ મહેસાણાના અંબાલાની છે, પરંતુ રાજેન્દ્રનગર કોલેજ ખાતે અભ્યાસ કરે છે. બાબા રામદેવના યોગ ટીવીમાં જોઈને ત્યારથી જ તેને યોગની પ્રેરણા મળી અને નાની ઉંમરથી જ યોગમાં સિધ્ધી હાસલ કરવાનુ શરૂ કર્યુ છે. પ્રાથમિક શાળામાં, હાઈસ્કુલમાં અને હવે કોલેજમાં પણ પુજા યોગ કરી રહી છે. પુજા અનેક પ્રકારના યોગના આસન કરી બતાવે છે. પોતાનુ શરીર રબ્બરની જેમ વાળી શકે છે. આકરા આસનો પણ સહેલાઈથી કરીને લોકોને એક સમય માટે તો વીચારતા કરી દે છે.

પુજાએ ઢગલાબંધ ટ્રોફીઓ, મેડલ અને પ્રમાણપત્રો મેળવ્યા

ધોરણ 4થી જ પુજાના પીતાએ બાબા રામેદવના યોગ જોઈને પુજાને તાલીમ આપી અને ત્યારથી અલગ અલગ કક્ષાએ શાળા ગેમ્સ, ખેલમહાકુંભ, રાજ્યકક્ષાને રમત અને આંતરરાષ્ટ્રીય કક્ષાને રમતો રમી ચુકી છે. અત્યાર સુધી આંતરાષ્ટ્રીય કક્ષાએ ગોલ્ડ અને સિલ્વર મેડલ પ્રાપ્ત કર્યા છે. જેમાં 64 મેડલ, 117 ટ્રોફીઓ અને 186 પ્રમાણપત્રો પુજા મેળવી ચુકી છે.  

ચાઈનાથી પણ મેળવ્યું ગોલ્ડ મેડલ

પુજાએ ઈન્ટરનેશનલમાં ચાઈનામાં સાંગાઈ પ્રથમ વખત ગોલ્ડ મેડલ પ્રાપ્ત થયુ હતુ. ઈન્ટરનેશનલ કોમ્પીટીશન બેઝીનમાં હતી ત્યાથી મીસ યોગીનીનુ બીરુદ પ્રાપ્ત થયુ હતુ. આ ઉપરાંત સેનઝેન, હોંગકોંગમાં પણ ગોલ્ડ પ્રાપ્ત થયા હતા અને મીસ યોગીની બની હતી. તો તાજેતરમાં જુલાઈમાં બાંગ્લાદેશના ઢાકા મુકામે ઈંન્ટરનેશનલ હોસ્પીટીશનમાં બે ગોલ્ડ અને બે સિલ્વર મેડલ પ્રાપ્ત કર્યા હતા. આ રીતે પુજાએ અનેક મેડલ પ્રાપ્ત કરીને પીતાનું અને ભારત દેશનું ગૌરવ વધાર્યુ છે તો અનેક જગ્યાએ પુજાને યોગ પ્રદર્શન કરવા માટે બોલાવવામાં પણ આવે છે તો સાથે સાથે પુજા નાના બાળકોને યોગ કરતા પણ શીખવે છે.