ટેક્નોલોજી / PUBG ફેન્સ માટે ખુશખબર, ઇરેન્ગલનો નવો મેપ આવી રહ્યો છે!

જેમાં ઇરેન્ગલ મેપમાં ગ્રાફિકસ સહિતના ફેરફારની ઝલક છે. પબજી ગેમ લોન્ચ થઇ ત્યારથી તેમાં થોડા થોડા સમયે અપડેટ આવતું રહ્યું છે. ઇરેન્ગલ મેપનું અપડેટ પહેલા પીસી ગેમમાં આવશે. પબજી મોબાઇલ ગેમમાં નવો મેપ ઇરેન્ગલ 2.0 તરીકે આવશે. 

ઇરેન્ગલ પબજીનો સૌથી જુનો મેપ છે. કેમકે પબજી લોન્ચ થઇ ત્યારે માત્ર એક જ મેપ હતો. તે પછી મીરામાર, સેનહોક તથા વાઇકેન્ડી એડ કરાયા હતા. ઇરેન્ગલ વિઝયુઅલ અપડેટના ટાઇટલ સાથે રિલિઝ વિડીયોમાં વિવિધ ટેક્ચર્સ, ઘાસ, બિલ્ડિંગ સહિત તમામ વધુ રિયાલિસ્ટિક લાગે છે.

ઇરેન્ગલ 2.0માં મેદાની વિસ્તારમાં ઘાસ થોડું વધુ લાગે છે. ઇરેન્ગલમાં લેન્ડિંગ માટે ફેવરિટ વિસ્તાર યાસનાયા પોલનાયા, માયલ્ટા પાવર, પ્રિઝન થોડા નવા લાગશે. બિલ્ડિંગના ગ્રાફિકસ વધુ કલિયર બનાવાયા છે. મેપમાં હોર્ડિંગ્સ અને બિલબોર્ડ વધુ દેખાશે. જેના પર એડ મુકીને ગેમના ડેવલપર્સ કમાણી કરશે. 

ટીઝરમાં એમ પણ કહેવાયું છે કે પબજીના ગેમર્સને વધુ રાહ જોવી નહીં પડે કેમકે નવો મેપ જલ્દી આવી રહ્યો છે.