પ્રશંસા / 38 વર્ષની ઉંમરે પણ....: રોનાલ્ડોના ધમાકેદાર પ્રદર્શન પર વિરાટ કોહલી ફિદા, શેર કરી INSTA સ્ટોરી

• રિયાદમાં પેરિસ સેન્ટ જર્મેન અને રિયાદ એસટી XI વચ્ચે મેચ યોજાઈ
• આ મેચમાં ક્રિસ્ટિયાનો રોનાલ્ડો પ્લેયર ઑફ ધ મેચ રહ્યાં હતા
• ક્રિકેટર વિરાટ કોહલીએ ઈન્સ્ટા સ્ટોરી કરી શેર

વિરાટ કોહલીએ એક ઈન્સ્ટા સ્ટોરી શેર કરી 

રિયાદમાં ગુરૂવારે પેરિસ સેન્ટર જર્મેન અને રિયાદ ઑલ સ્ટાર XIની વચ્ચે મેચ રમાઈ હતી. PSG તરફથી જ્યાં મેસી, નેમાર અને એમબાપે સહિત ઘણા સ્ટાર ખેલાડી મેદાનમાં હતા તો રિયાદ ઑલ સ્ટાર XI તરફથી ક્રિસ્ટિયાનો રોનાલ્ડો સૌથી મોટુ નામ હતા. આ મેચમાં રોનાલ્ડોની ટીમ 4-5થી હારી ગઇ, પરંતુ રોનાલ્ડો પ્લેયર ઑફ ધ મેચ રહ્યાં. તેમણે બે ગોલ કર્યા. રોનાલ્ડોના આ ધમાકેદાર પ્રદર્શનના કારણે શુક્રવારે રાત્રે વિરાટ કોહલીએ એક ઈન્સ્ટા સ્ટોરી શેર કરી. 

વિરાટે ક્રિસ્ટિયાનો રોનાલ્ડોના ખૂબ વખાણ કર્યા

વિરાટે પોતાની ઈન્સ્ટા સ્ટોરીમાં ક્રિસ્ટિયાનો રોનાલ્ડોના ખૂબ વખાણ કર્યા. તેમણે રોનાલ્ડોના ટીકાકારોને પણ કડક જવાબ આપ્યો. કોહલીએ રોનાલ્ડોની ફોટો સાથે લખ્યું, તે 38 વર્ષના થયા છે, જે હજી પણ પોતાના સર્વશ્રેષ્ઠ સ્તરે રમી રહ્યાં છે. ફૂટબોલ નિષ્ણાંત દર અઠવાડિયે ચર્ચામાં રહેવા માટે તેમની ટીકા કરે છે અને પછી શાંત પણ થતા રહે છે. હવે તેમણે વિશ્વના સર્વોચ્ચ ક્લબોમાંથી એકની સામે આ પ્રકારનુ લાજવાબ પ્રદર્શન કર્યુ છે. જ્યારે લોકો તેમની કારકિર્દીને પૂરી ગણાવી ચૂક્યા હતા.

રોનાલ્ડો આની પહેલાની સિઝનમાં કોઈ ખાસ રંગમાં નહોતા દેખાયા 

ક્રિસ્ટિયાનો રોનાલ્ડો આની પહેલાની સિઝનમાં કોઈ ખાસ રંગમાં દેખાયા નહોતા. આ કારણ રહ્યું છે મેનચેસ્ટર યુનાઈટેડ તરફથી તેઓ સ્ટાર્ટિગ લાઈન-અપમાંથી બહાર રખાયા. ત્યારબાદ મેનચેસ્ટરના કોચ અને ટીમ મેનેજમેન્ટની સાથે તેમના વિવાદ બાદ તેમણે ક્લબ છોડવુ પડ્યુ. ફીફા વર્લ્ડ કપમાં પણ પુર્તગાલની છેલ્લી બે મેચમાં તેઓ સબ્સ્ટિટ્યુટ ખેલાડી તરીકે ઉતર્યા. ગયા મહિને જ્યારે તેમના યુરોપિયન ફૂટબોલ સર્કિટ છોડીને સાઉદી અરબના ક્લબ જોઈન કરવાના સમાચાર આવ્યાં તો ફૂટબોલ પ્રશંસકોથી લઇને નિષ્ણાંતોએ તેમની કારકિર્દીને ખત્મ કરવાનુ શરૂ કરી દીધુ હતુ.