- પીએમ મોદી અડાલજના કાર્યક્રમમાં વર્ચુઅલી જોડાયા હતા
- પીએમ મોદી છાત્રાલયના ઉદ્ધાટનમાં આપી હાજરી
- કાર્યકર્મ દરમિયાન કરેલી વાતોના અંશો
પ્રધાનમંત્રી મોદીએ મંગળવારે કહ્યું કે, અમેરિકી રાષ્ટ્રપતિ જો બાઈડેનની સાથે પોતાની વાતચીત દરમિયાન તેમણે વિશ્વા વેપાર સંગઠન (WTO)ની મંજૂરી મળવા પર દુનિયાને ભારતના ખાદ્ય ભંડારની સપ્લાઈ કરવાની રજૂઆત કરી. પીએમ મોદીએ વીડિયો લિંકના માધ્યમથી અડાલજમાં શ્રી અન્નપૂર્ણા ધામ ટ્રસ્ટની છાત્રાલય અને શિક્ષણ પરિસરના ઉદ્ધાટન કર્યા બાદ આ વાત કહી હતી. તેમણે કહ્યું કે, યુદ્ધના કારણએ દુનિયાના કેટલાય ભાગોમાં અન્નનો ભંડાર ઘટી રહ્યો છે.
જો બાઈડેન સાથે કરી આ મુદ્દે વાત
પ્રધાનમંત્રી મોદીએ કહ્યું કે, વૈશ્વિક ખાદ્ય ભંડાર યુક્રેન યુદ્ધના કારણે ઘટી રહ્યું છે. અમેરિકાના રાષ્ટ્રપતિ જો બાઈડેન સાથે વાતચીત દરમિયાન મેં કહ્યું કે, જો વિશ્વ વેપાર સંગઠન અમુક છૂટ આપશે તો, અમે દુનિયાને ભારતીય ખાદ્ય સામગ્રી સપ્લાઈ કરવાનું શરૂ કરી દઈશું.
દરેક દેશ પોતાનો સ્ટોક કરવા લાગ્યા
તેમણે વધુમાં કહ્યું કે, આજે દુનિયા એક અનિશ્ચિત સ્થિતિનો સામનો કરી રહી છે. કારણ કે કોઈને પણ એ નથી મળી રહ્યું, જે તેઓ ઈચ્છે છે. પેટ્રોલ, તેલ અને ખાતર ખરીદવાનું મોંઘુ થઈ ગયું છે. કારણ મોટા ભાગના દરવાજા બંધ થતાં જાય છે. રશિયા યુક્રેન યુદ્ધ શરૂ થયા બાદથી સૌ કોઈ પોતાનો સ્ટોક સુરક્ષિત કરવા માગે છે.
યુદ્ધના કારણે અન્ન ભંડાર ખાલી થવા લાગ્યા
પીએમ મોદીએ કહ્યું કે, દુનિયા હવે એક નવી સમસ્યાનો સામનો કરી રહ્યો છે. દુનિયાનો અન્ન ભંડાર ખાલી થઈ રહ્યો છે. હું અમેરિકી રાષ્ટ્રપતિ સાથે વાત કરી રહ્યો હતો અને તેમણે પણ આ મુદ્દાને ઉઠાવ્યો છે. મેં ભલામણ કરી છે જો વિશ્વા વેપાર સંગઠન મંજૂરી આપશે, તો ભારત કાલથી જ દુનિયાને ખાદ્ય ભંડારની સપ્લાઈ કરવા માટે તૈયાર છે.
આપણા ખેડૂતોમાં દુનિયાને ખવડાવવાની તાકાત
તેમણે કહ્યું કે, આપણી પાસે પહેલાથી જ આપણા લોકો માટે પુરતા ભોજનની વ્યવસ્થા છે, પણ આપણા ખેડૂતો પાસે દુનિયાને ખવડાવવા માટે પણ વ્યવસ્થા છે. જો કે, આપણે દુનિયાના કાયદા અનુસાર કામ કરવાનું છે. એટલા માટે મને નથી ખબર કે, વિશ્વા વેપાર સંગઠન ક્યારે મંજૂરી આપશે, જેથી આપણે દુનિયાને ભોજનની સપ્લાઈ કરી શકીએ.
