લસણના ભાવ તળીયે રાજકોટ માર્કેટિંગ યાર્ડમાં 1 રૂપિયે કીલો ભાવ થતા ખેડૂતોને રોવાનો વારો!

રાજકોટઃ માર્કેટિંગ યાર્ડમાં લસણના ભાવમાં ઘટાડો થયો છે. હાલ એક મણ લસણનો ભાવ 20થી 150 સુધી નોંધાયો છે. જો કે 1 રૂપિયે કીલો લસણ હાલ રાજકોટ માર્કેટિંગ યાર્ડમાં વેચાઈ રહ્યું છે.

મહત્વનું છે કે ખેડૂતોને લસણના ઉત્પાદન પાછળ રૂપિયા 300નો ખર્ચ થતો હોય છે. ત્યારે ગુજરાત બહાર લસણનું વહેંચાણ નહીં થતું હોવાથી ભાવમાં ઘટાડો થયો છે.

જેને લઇને ખેડૂતોને મોટું નુકસાન વેઠવું પડી રહ્યું છે. ડુંગળીની માફક લસણના ભાવ ન મળતા ખેડૂતોને રોવાનો વારો આવ્યો છે. મહત્વનું છે કે સૌરાષ્ટ્રની અંદર હજુ નવા લસણની આવક શરૂ થઇ છે અને ભાવ તળીએ બેસી જતા ખેડૂતો મુશ્કેલીમાં મુકાયા છે.

હાલનું લસણનો સ્ટોક કરી શકાય તેમ નથી અને 100થી વધુની કિંમતે મળતુ લસણ 70-80માં મળે તો નવાઇ નહીં. જો કે સૌરાષ્ટ્રના વિસ્તારોના લસણની આવક કરતા મોટા પાયે મધ્યપ્રદેશથી લસણની આવક થતા બજારને ફટકો પડ્યો છે.