કોરોના મહામારીએ દુનિયાભરમાં હાહાકાર મચાવ્યો છે. આ મહામારીથી અત્યારે સૌથી વધારે પ્રભાવિત દેશ અમેરિકા છે. અમેરિકામાં કોરોનાના અત્યાર સુધીમાં ૪૦ કરતાં પણ વધુ કેસ સામે આવ્યા છે. તેની સાથે જ ૧.૪૫ લાખ લોકોના જીવ પણ ગયા છે. આ ચોંકાવનારા આંકડાની વચ્ચે કોરોનાને લઈ અમેરિકાના પ્રમુખ ડોનાલ્ડ ટ્રમ્પના વ્યવહારને લઈ અનેક સવાલો ઊઠતા રહ્યા છે.
ટ્રમ્પને સતાવી રહ્યો છે કોરોનાનો ડર
દિવસમાં અનેક વખત ટેસ્ટ કરાવે છે
વ્હાઇટ હાઉસના સચિવે કર્યો ખુલાસો
હાલમાં જ તેઓ એક કાર્યક્રમમાં માસ્ક પહેરેલા જોવા મળ્યા હતા, પરંતુ તેમના દ્વારા અત્યાર સુધી માસ્ક ન પહેરવાને લઈ પણ સવાલ ઊઠતા રહ્યા છે. અમેરિકામાં સતત વધતા કેસને જોતાં ટ્રમ્પને પણ હવે કોરોનાનો ભય સતાવી રહ્યો છે.
ટ્રમ્પનો સૌથી વધુ વખત કોરોના ટેસ્ટ થયો
બેદરકારી સાથે જોડાયેલા સવાલો પર સ્પષ્ટતા કરતાં વ્હાઈટ હાઉસે કહ્યું કે સમગ્ર અમેરિકામાં પ્રમુખ ટ્રમ્પનો સૌથી વધુ વખત કોરોના ટેસ્ટ થયો છે. વ્હાઈટ હાઉસની પ્રેસ કોન્ફરન્સમાં પત્રકારોના સવાલોનો જવાબ આપતાં પ્રેસ સચિવ કેલી મૈકનીએ તેની જાણકારી આપી હતી. મૈકનીને જ્યારે પૂછવામાં આવ્યું કે ટ્રમ્પ દિવસમાં કેટલી વખત કોરોના ટેસ્ટ કરાવે છે તો તેમણે કહ્યું હતું કે ઘણી વખત.
મૈકનીએ કહ્યું કે હું એ તો ન જણાવી શકું કે તેમના દિવસમાં કેટલી વખત ટેસ્ટ થાય છે, પરંતુ ક્યારેય ક્યારેક તે એકથી વધારે વખત પણ થાય છે. તેમણે કહ્યું કે ટેસ્ટિંગ માટે ફંડમાં ઘટાડો કરવાનો પ્રશાસનનો કોઈ ઈરાદો નથી.
બે દિવસમાં એક વખત તેમનો કોરોના ટેસ્ટ થાય છે
ડોનાલ્ડ ટ્રમ્પે પ્રેસ કોન્ફરન્સમાં જણાવ્યું હતું કે દર બે દિવસમાં એક વખત તેમનો કોરોના ટેસ્ટ થાય છે. તેમણે કહ્યું હતું કે જે લોકો સોશિયલ ડિસ્ટન્સિંગને ફોલો નથી કરતા તેઓ માસ્ક જરૂર પહેરે.