નમસ્તે ટ્રમ્પ / જબરું કહેવાય, અમદાવાદને સુંદર બનાવવા માટે અમેરિકાના રાષ્ટ્રપતિની જરૂર પડી

• ટ્રમ્પના પગલે ચમકી રહ્યું છે અમદાવાદ 
• દીવાલોની ચમક રંગીન બની રહી છે 
• વોલ પેઈન્ટિંગથી VVIP રોડ રંગાયો 

ઉલ્લેખનીય છે કે, ક્યાંક દિવાલો બની ગઈ છે. ક્યાંક રસ્તાઓ નવા નક્કોર બની ગયા છે. તો ક્યાંક વૃક્ષોની હારમાળા લગાવી દેવાઈ છે. તેવામાં હવે અવનવા રંગોથી પણ અમદાવાદ રંગાવા લાગ્યું છે. જેની જવાબદારી સ્કૂલોના બાળકોને સોંપાઈ છે. 

અમદાવાદ સ્માર્ટ સિટી બની રહ્યું છે

લાગે છે.. અમદાવાદ સ્માર્ટ સિટી બની રહ્યું છે. જેમાં હવે વિદ્યાર્થીઓ પણ પોતાનું યોગદાન આપી રહ્યા છે. આ તસ્વીર મોટેરા-એરપોર્ટ VVIP રોડની છે. જ્યાં હાલ દીવાલો પર વોલ પેઈન્ટિંગ બનાવવામાં આવી રહ્યા છે. જેમાં શાળાના બાળકો. સ્થાનિક લોકો અને સ્થાનિક મહિલાઓ દ્વારા ભાગ લેવામાં આવ્યો છે. આ  પેન્ટિંગમાં સ્વચ્છતાની ઝાંખી છે. મોટેરાની ઓળખ છે. આ સાથે જ બંને દેશના સંબંધોની કહાણી છે. 

VVIP રૂટ પર કરાયું વોલ પેન્ટિંગ

ઉલ્લેખનીય છે કે, જ્યાંથી પ્રધાનમંત્રી મોદી અને અમેરિકાના રાષ્ટ્રપતિ ટ્રમ્પનો કાફલો પસાર થશે તે VVIP રૂટ છે. ત્યારે સ્વાભાવિક છે કે, ટ્રમ્પને પણ આપણે સ્વચ્છતાનો સંદેશ તો આપવો જ પડે. જે માટે આ રીતે જ્યાં-જ્યાંથી ટ્રમ્પ પસાર થવાના છે. ત્યાં સુંદર વોલ પેઇન્ટિંગ બનાવવામાં આવી રહ્યા છે.