મોટા સમાચાર / પંજાબ ચૂંટણી પહેલા આ પૂર્વ મુખ્યમંત્રીની તબિયત લથડી, તાત્કાલિક કરવા પડ્યા હોસ્પિટલમાં ભરતી

પંજાબના પૂર્વ મુખ્યમંત્રી અને અકાલી દળના સંરક્ષક પ્રકાશ સિંહ બાદ અચાનક બિમાર થયા છે. તેમને મુક્તસર જિલ્લાથી ચંડીગઢ પીજીઆઈમાં શિફ્ટ કરવામા આવ્યા છે. જાન્યુઆરીમાં તેઓ કોરોનાથી સંક્રમિત પણ થયા હતા. લુધિયાણાની દયાનંદ મેડિકલ કોલેજમાં ભરતી કરવામાં આવ્યા હતા. જો કે, તેઓ ટૂંક સમયમાં સાજા થઈ ગયા હતાં. 

94 વર્ષના વયોવૃદ્ધ નેતાએ લાંબી મત વિસ્તારમાંથી પોતાનું ઉમેદવારી પત્ર પણ ભર્યું છે. ચૂંટણી લડનારા તેઓ દેશના સૌથી વયોવૃદ્ધ નેતા છે. પ્રકાશ સિંહ બાદલ 1997થી લાંબી સીટથી સતત જીતી રહ્યા છે.

લાંબી સીટ પરથી સતત પાંચ વાર ધારાસભ્ય

પ્રકાશ સિંહ બાદ આ અગાઉ 1969, 1972, 1977, 1980 અને 1985માં ગિદ્દડબાહાથી સતત પાંચ વાર જીત મેળવી હતી. ત્યાર બાદ તેમણે લાંબી સીટ પર કબ્જો જમાવ્યો અને 1997, 2002, 2007, 2012 અને 2017માં સતત પાંચ વાર જીત મેળવી હતી.