કટાક્ષ / તમે બકવાસ બનાવી રહ્યા છો, સ્ટોરી ના હોય તો ફિલ્મો બંધ કરી દો: આશ્રમના ડાયરેક્ટરે આમિર ખાનને માર્યો ટોણો

• પ્રકાશ ઝા મટ્ટોની સાઈકલના પ્રમોશનમાં વ્યસ્ત
• પ્રકાશ ઝાએ લાલ સિંહ ચડ્ઢા અંગે આપ્યું નિવેદન
• જો કોઈ ફિલ્મ સારી હશે તો તે ચાલશે 

પ્રકાશ ઝાએ લાલ સિંહ ચડ્ઢાને લઇને આપ્યું મોટુ નિવેદન

પ્રકાશનુ ઝાનુ કહેવુ છે કે નિર્માતાઓએ કહાની પર કામ કરવુ પડશે. આમિર ખાનની લાલ સિંહ ચડ્ઢા પાસેથી દર્શકોને ઘણી આશા હતી. ફ્લોપ ફિલ્મોથી નિરાશ જનતા માટે લાલ સિંહ ચડ્ઢા આશાની નવી રોશની હતી. બોક્સ ઑફિસ પર આ ફિલ્મ સારું પ્રદર્શન કરી શકી નથી. આ ફિલ્મ ના ચાલવાનુ દરેક વ્યક્તિ પોતાનુ મંતવ્ય જણાવી રહ્યું છે. તો હવે પ્રકાશ ઝાએ પણ લાલ સિંહ ચડ્ઢાને લઇને મોટી વાત કહી છે.

પ્રકાશ ઝાએ શું કહ્યું?

આશ્રમના ડાયરેક્ટર પ્રકાશ ઝા હાલમાં તેની ફિલ્મ મટ્ટોન સાઇકલને લઇને ચર્ચામાં છે. ફિલ્મ પ્રમોશન દરમ્યાન પ્રકાશ ઝાએ એક વેબપોર્ટલ સાથે વાતચીત કરતા કહ્યું, જો કોઈ ફિલ્મ સારી હશે તો તે ચાલશે. આ ઈન્ડસ્ટ્રી માટે એક વેકઅપ કૉલ છે. તેમણે વધુમાં કહ્યું, તેમણે સમજવુ જોઈએ કે તેઓ બકવાસ ફિલ્મ બનાવી રહ્યાં છે. માત્ર પૈસા, કોર્પોરેટ્સ અને અભિનેતાને વધુ પૈસા આપવા માટે ફિલ્મો ના બનાવાય. એક સારી કહાની લખવાની જરૂર છે, જે તમને સમજે અને મનોરંજન આપે.

દર્શકોને ગમતી હોય તેવી કહાની બનાવો: પ્રકાશ ઝા 

બોલીવુડ ફિલ્મો પર વાત કરતા પ્રકાશ ઝાએ કહ્યું, તેમણે એવી કહાનીઓ બનાવવી જોઈએ જે લોકો સાથે જોડાયેલી હોય. હિન્દી ઈન્ડસ્ટ્રીના લોકો લોકો વાત તો હિન્દીમાં કરે છે, પરંતુ બનાવી શું રહ્યાં છે, માત્ર રિમેક? જો તમારી પાસે બતાવવા માટે કહાની નથી તો ફિલ્મો બનાવવાનુ બંધ કરી દો.

નિર્માતાઓએ પરિશ્રમ કરવાની જરૂર 

મટ્ટોની સાઈકલના ડાયરેક્ટર પ્રકાશ ઝા કહે છે કે ફિલ્મ નિર્માતાઓએ હવે સખત પરિશ્રમ કરવાની જરૂર છે. તેમણે વિચારવુ પડશે કે આખરે દર્શકો ફિલ્મ જોવા માટે થિયેટરો કેમ જતા નથી. બાયકૉટ કલ્ચર પર વાત કરતા તેમણે કહ્યું કે આ ટ્રેન્ડ હંમેશા રહ્યો છે. તફાવત એટલો છે કે હવે લોકો સોશિયલ મીડિયા પર છે.