સ્થિર / PPF, સુકન્યા સમૃદ્ધી યોજના અને પોસ્ટ ઓફિસ સહિતની બચત સ્કીમ પર મોટા સમાચાર, કેન્દ્રએ લીધો આ નિર્ણય

• PPF અને નાની બચત યોજનાઓના વ્યાજ દરોમાં કોઈ ફેરફાર કરાયો નથી
• નાની બચત યોજનાઓના વ્યાજ દરોમાં કોઈ ફેરફાર કરાયો નથી
• ઓક્ટોબર-ડિસેમ્બર એમ ત્રણ મહિના માટે વ્યાજ દરો યથાવત રહેશે

સુકન્યા સમૃદ્ધી યોજના પર 7.6 ટકા વાર્ષિક વ્યાજ મળે છે.
પાંચ વર્ષની વરિષ્ઠ નાગરિક બચત યોજના પર 7.4 ટકા વ્યાજ ચૂકવવા પાત્ર છે.
જ્યારે બચત થાપણ પર વ્યાજ દર વાર્ષિક 4 ટકા છે.
એક વર્ષની ફિક્સ્ડ ડિપોઝીટ સ્કીમ પર વ્યાજ દર 5.5 ટકા રહેશે.
પબ્લિક પ્રોવિડન્ટ ફંડ (પીપીએફ) પર 7.1 ટકા વાર્ષિક વ્યાજ દર છે.
રાષ્ટ્રીય બચત પ્રમાણપત્ર (એનએસસી) પર 6.8 ટકા વ્યાજ મળે છે.

ત્રિમાસિક ધોરણે વ્યાજ દરોમાં કરાશે ફેરફાર

ઉલ્લેખનીય છે કે, સરકાર તરફથી ત્રિમાસિક ધોરણે વ્યાજ દરોમાં ફેરફાર કરવાનો નિર્ણય લેવામાં આવે છે. આ ત્રિમાસિકનો છેલ્લો દિવસ 30 સપ્ટેમ્બર છે. આ જ કારણ છે કે આગામી ત્રણ મહિના એટલેકે ઓક્ટોબરથી ડિસેમ્બર સુધી વ્યાજ દરો પર નિર્ણય કરવામાં આવ્યો છે. ચાલુ નાણાંકીય વર્ષના પ્રથમ ત્રણ મહિનામાં નાની બચત યોજનાઓના વ્યાજ દરોમાં 1.1 ટકાનો ઘટાડો કરવામાં આવ્યો હતો. પરંતુ બાદમાં સરકારે તેને ભૂલથી થયેલુ જણાવી તાત્કાલિક પાછું લીધુ હતુ.