તમારા કામનું / પોસ્ટ ઓફિસની આ 5 સુપર હિટ સ્કીમમાં રોકાણ કરો અને મેળવો ડબલ ફાયદો, જાણો કેવી રીતે ?

• પોસ્ટની વિવિધ સ્કીમમાં રોકાણ કરો, તમારા રૂપિયા રહેશે સુરક્ષિત
• આ યોજનાઓમાં તમારા રૂપિયા થશે ડબલ
• ટૂંક સમયમાં ડબલ થઈ જશે નાણા

 સરકારે સપ્ટેમ્બરથી ત્રણ મહિના માટે નાની બચત યોજનાઓના વ્યાજ દરોમાં કોઈ ફેરફાર કર્યો નથી. પોસ્ટ ઓફિસની યોજનાઓની સૌથી રસપ્રદ વાત એ છે કે અહીં તમારા રૂપિયા ડૂબશે નહીં. તો આવો જાણીએ એવી યોજનાઓ વિશે જેમાં તમે રોકાણ કરશો તો ટૂંક સમયમાં તમારા રૂપિયા ડબલ થઈ જશે.

પોસ્ટ ઓફિસ ટાઈમ ડિપોઝીટ

પોસ્ટ ઓફિસની 1 વર્ષથી લઈને 3 વર્ષ સુધીની ટાઈમ ડિપોઝીટ પર 5.5 ટકાનું વ્યાજ મળી રહ્યું છે. જો તમે તેમાં રોકાણ કરવાનું ઈચ્છો છો તો તમારા રૂપિયા લગભગ 13 વર્ષમાં ડબલ થઈ જશે. આ રીતે 5 વર્ષની ટાઈમ ડિપોઝીટ પર તમને 6.7 ટકાનું વ્યાજ મળી રહ્યું છે. આ વ્યાજ દરથી જો તમે રૂપિયાનું રોકાણ કરશો તો તમારા પૈસા લગભગ 10.75 વર્ષમાં ડબલ થશે.

પોસ્ટ ઓફિસ સેવિંગ બેન્ક એકાઉન્ટ

પોસ્ટ ઓફિસ સેવિંગ એકાઉન્ટમાં જો તમે તમારા રૂપિયા મુકો છો તો તમારા રૂપિયા ડબલ થવામાં લાંબી રાહ જોવી પડશે. કારણકે તેમાં વાર્ષિક 4.0 ટકા વ્યાજ મળે છે. એટલેકે તમારા પૈસા 18 વર્ષમાં ડબલ થશે.

પોસ્ટ ઓફિસ રિકરિંગ ડિપોઝીટ

પોસ્ટ ઓફિસ રિકરિંગ ડિપોઝીટ પર તમને અત્યારે 5.8 ટકા વ્યાજ મળી રહ્યું છે. એવામાં આ વ્યાજદરથી જો પૈસાનું રોકાણ કરવામાં આવે તો આ લગભગ 12.41 વર્ષમાં ડબલ થશે.

પોસ્ટ ઓફિસ માસિક ઈન્કમ સ્કીમ

પોસ્ટ ઓફિસ માસિક ઈન્કમ સ્કીમ પર આ વખતે 6.6 ટકાનું વ્યાજ મળી રહ્યું છે, આ વ્યાજ દરથી જો રૂપિયાનું રોકાણ કરવામાં આવે તો આ લગભગ 10.91 વર્ષમાં ડબલ થશે.

પોસ્ટ ઓફિસ સિનિયર સિટીઝન સેવિંગ્સ સ્કીમ

પોસ્ટ ઓફિસ સિનિયર સિટીઝન સેવિંગ સ્કીમ આ વખતે 7.4 ટકાનું વ્યાજ અપાઈ રહ્યું છે. તમારા રૂપિયા આ સ્કીમમાં લગભગ 9.73 વર્ષમાં ડબલ થશે.

પોસ્ટ ઓફિસ પીપીએફ

પોસ્ટ ઓફિસની 15 વર્ષની પબ્લિક પ્રોવિડન્ટ ફંડ પર આ વખતે 7.1 ટકાનું વ્યાજ મળી રહ્યું છે. એટલેકે આ દર પર તમારા રૂપિયા ડબલ થવામાં લગભગ 10.14 વર્ષનો સમય લાગશે.