જો તમારા બાળકની ઉંમર 10 વર્ષ અથવા તેનાથી વધુ છે અને તમે પણ તેના માટે બચત કરવા માંગો છો તો આજે જ તેના નામથી Post Office MIS account ખોલાવી શકો છો. આ એકાઉન્ટમાં તમને સારા લાભ મળશે.
શું તમે નાના રોકાણમાં સારું રિટર્ન મેળવવા માંગો છો?
આ એકાઉન્ટના અનેક ફાયદા છે. જેને 10 વર્ષથી વધુની ઉંમરના બાળકોના નામે પણ ખોલાવી શકાય છે. જો તમે પોતાના બાળકોના નામથી આ સ્પેશિયલ ખાતુ ખોલાવો છો તો તમારે તેની સ્કૂલની ફીની ચિંતા કરવાની જરૂર નથી.
ક્યા અને કેવીરીતે ખોલી શકાય ખાતુ
આ એકાઉન્ટને તમે કોઈ પણ પોસ્ટ ઓફિસમાં ખોલાવી શકો છો.
જે હેઠળ ઓછામાં ઓછા 1000 રૂપિયા વધુમાં વધુ 4.5 લાખ રૂપિયા જમા કરી શકાય છે.
આ સમયે આ સ્કીમ હેઠળ વ્યાજ દર 6.6 ટકા છે.
જો બાળકની ઉંમર 10 વર્ષથી વધુ છે તો તમે તેના નામથી આ એકાઉન્ટ ખોલાવી શકો છો.
જો બાળકની ઉંમર 10 વર્ષથી નાની છે તો બાળકના બદલે માતા-પિતા આ એકાઉન્ટ ખોલાવી શકે છે.
આ સ્કીમની મેચ્યોરિટી 5 વર્ષની હોય છે, ત્યારબાદ તેને બંધ કરી દેવામાં આવે છે.
જાણો ગણતરી
જો તમારા બાળકની ઉંમર 10 વર્ષ છે અને તમે તેના નામે 2 લાખ રૂપિયા જમા કરાવો છો તો દર મહિને તમારો વ્યાજ દર 6.6 ટકાના વર્તમાન દરથી 1100 રૂપિયા બનશે.
પાંચ વર્ષમાં આ વ્યાજ દર કુલ 66 હજાર રૂપિયા બનશે અને છેલ્લે તમારા 2 લાખ રૂપિયા રિટર્ન પણ થશે.
આ રીતે નાના બાળકો માટે તમને 1100 રૂપિયા મળશે જેનો ઉપયોગ તમે તેના ભણવામાં કરી શકો છો.
માતા-પિતા માટે આ રકમ એક સારી મદદ બની શકે છે.
આમ જ તમે 4.5 લાખ રૂપિયા જમા કરો છો તો લગભગ દર મહિને તમને 2500 રૂપિયા મળશે.