પૂછપરછ / રાષ્ટ્રપતિની પોરબંદર મુલાકાત પૂર્વે કુછડી ગામના દરિયાકાંઠે આંટાફેરા કરતો વિદેશી નાગરિક ઝડપાયો, શખ્સે કર્યો ખુલાસો

• પોરબંદર પોલીસને મળ્યો અજાણ્યો વિદેશી નાગરિક
• કુછડી ગામના દરિયા કિનારે વિદેશી નાગરિક ઝડપાયો
• વિદેશી નાગરિકની શંકાસ્પદ હિલચાલને લઇને એલર્ટ

રાષ્ટ્રપતિ રામનાથ કોવિંદ 10 એપ્રિલે ફરી એક વાર ગુજરાત પ્રવાસે આવશે. આ વખતે તેઓ પોરબંદર જિલ્લામાં માધવપુર ઘેડના લોકમેળાના ગૌરવપૂર્ણ કાર્યક્રમોનો શુભારંભ કરાવશે. ત્યારે પોરબંદ પોલીસે કુછડી ગામના દરિયા કિનારે આંટાફેરા કરતો એક અજાણ્યો વિદેશી નાગરિક ઝડપી પાડ્યો હતો. આમ પોરબંદરના કુછડી ગામના દરિયા કિનારે  વિદેશી નાગરિકની શંકાસ્પદ હિલચાલને લઇને સુરક્ષા એજન્સીઓ એલર્ટ થઈ જવા પામી છે.  

પોરબંદર પોલીસને મળ્યો અજાણ્યો વિદેશી નાગરિક

ઉલ્લેખનીય છે કે, પોરબંદર જિલ્લામાં માધવપુર ઘેડના લોકમેળાના ગૌરવપૂર્ણ કાર્યક્રમો ભાગ લેવા માટે આગમી 10 એપ્રિલે રાષ્ટ્રપતિ રામનાથ કોવિંદ ઉપસ્થિત રહીને કાર્યક્રમોનો શુભારંભ કરાવશે. આ કાર્યક્રમમાં રાષ્ટ્રપતિ ઉપરાંત રાજ્યના રાજ્યપાલ આચાર્ય દેવવ્રત તથા CM ભૂપેન્દ્ર પટેલ તેમ જ ઉત્તરપૂર્વ રાજ્યોના રાજ્યપાલ, મુખ્યમંત્રીઓ સહિતના મહાનુભાવો ઉપસ્થિત રહેશે.
  
રાષ્ટ્રપતિના આગમન પહેલા શંકાસ્પદ વ્યક્તિની હરકતથી હાઇએલર્ટ

આ દરમિયાન પોરબંદર પોલીસે કુછડી ગામના દરિયા કિનારે આંટાફેરા કરતો વિદેશી નાગરિક ઝડપી પાડ્યો છે. આમ પોરબંદરમાંથી વિદેશી નાગરિકની શંકાસ્પદ હિલચાલને લઇને સુરક્ષા એજન્સીઓ એલર્ટ થઈ જવા પામી હતી. બીજી તરફ શંકાસ્પદ વિદેશી નાગરિકની પૂછપરછ માટે પોરબંદર પોલીસે હાર્બર મરીન પોલીસ સ્ટેશન લાવીને વિદેશી નાગરિકની પૂછપરછ હાથ ધરી હતી . 

પોલીસ વિદેશી નાગરિકની તમામ એંગલથી પૂછપરછ હાથ ધરી

પૂછપરછ દરમિયાન સુરક્ષા એજન્સીઓએ જાણવા મળ્યું હતું કે,  આ વિદેશી નાગરિક સ્પેનિશ હોવાનું સામે આવ્યું. તેમજ આ વિદેશી નાગરિક છેલ્લા 12 દિવસથી ભારતમાં ફરતો હોવાનું સામે આવ્યું આ સાથે વિદેશી નાગરિકના વિઝા અંગે ચોંકાવનારી વિગતો સામે આવી હતી. જેમાં 12 દિવસ પહેલા વિદેશી નાગરિકના વિઝા પુરા થઇ ગયા હોવાનું સામે આવ્યું