જિલ્લા પંચાયતના કારોબારીના ચેરમેન અને ભાજપના અગ્રણી કેશુભાઈ સીડા બે પત્ની ધરાવે છે. તેમની બંને પત્નીઓ પાલિકાની ચૂંટણી લડી રહી છે.
પોરબંદરમાં ચૂંટણીમાં જોવા મળ્યો અનોખો વિવાદ
એક જ વોર્ડમાંથી બે પત્નીઓ સામ સામે ચૂંટણીના મેદાને
એક જ વોર્ડમાંથી બંને પત્નીઓ ચૂંટણી લડતા પતિ મુંઝવણમાં
સ્થાનિક સ્વરાજની ચૂંટણીનો જંગ જામ્યો છે. ત્યારે પોરબંદર નગરપાલિકાની ચૂંટણીમાં પરિવારના સભ્યો વચ્ચે જંગ જોવા મળી રહ્યો છે. જિલ્લા પંચાયતના કારોબારીના ચેરમેન અને ભાજપના અગ્રણી કેશુભાઈ સીડા બે પત્ની ધરાવે છે. તેમની બંને પત્નીઓ પાલિકાની ચૂંટણી લડી રહી છે. જેમાં પ્રથમ પત્ની શાંતિબેન કોંગ્રેસમાંથી ચૂંટણી લડે છે. અને હાલના પત્ની ઉષાબેન ભાજપમાંથી ચૂંટણી લડી રહ્યાં છે.
બે પત્નીઓ વચ્ચેનો ચૂંટણી જંગ રસપ્રદ બની રહ્યો છે. ગઈકાલે કોંગ્રસમાંથી ઉમેદવારી નોંધાવનાર પત્નીના ઘરે તેમના પતિએ ચૂંટણીને લઈ તોડફોડ કર્યાની ઘટના સામે આવી છે. કોંગ્રેસમાંથી ઉમેદવારી નોંધાવનાર શાંતિબેને સીડાએ એવા આક્ષોપ કર્યા છે કે, કાલે તેમના પતિ કેશુભાઈ સીડા ઘરે આવીને તોડફોડ કરી હતી. તેમજ જાનથી મારી નાંખવાની ધમકી આપી હતી. તેમજ ફોન ઉપર પણ ચૂંટણીને લઈને ધમકી આપી હતી.
આ મુદે પોલીસે ફરીયાદ નોંધવા તજવીજ હાથ ધરી છે. તો ઘરમાં તોડફોડ કરવાના આક્ષેપ અંગે કેશુભાઈ સીડાએ પોરબંદર કોંગ્રસના પ્રમુખ નાથાભાઈ ઓડેદરા સામે આક્ષેપ કર્યા હતા અને તેમના લુખ્ખા તત્વાએ તોડફોડ કરી છે. કોંગ્રસને કોઈ ઉમેદવાર મળતા નથી. એટલે તેમણ મારી પત્ની શાંતિને ખોટી રીતે ઉશ્કેરી છે તેમ જણાવ્યું છે.