જસદણ વિધાનસભાની પેટાચૂંટણીને લઇને જસદણના લોકોમાં ભારે ઉત્સાહ જોવા મળી રહ્યો છે. મતદાનની શરૂઆત થતાં જ કેન્દ્રો પર મતદારોની લાઇન લાગી છે. મતદાન કરવા માટે લોકોમાં ઉત્સાહ જોવા મળ્યો છે. જ્યારે હોસ્પિટલમાંથી દર્દીઓ મતદાન કરવા માટે પહોંચ્યા હતા. જ્યારે મહત્વનું છે કે જસદણમાં દિવ્યાંગો માટે પણ મતદાન કેન્દ્ર બનાવવામાં આવ્યું છે.
જસદણ વિધાનસભાની પેટાચૂંટણીમાં સવારે આઠ વાગ્યાથી મતદાનનો પ્રારંભ થયો છે. કોંગ્રેસના ઉમેદવાર અવસર નાકિયાએ આસલપુરમાં મતદાન કર્યું છે. અવસર નાકિયા છકડો રિક્ષા પર પરિવાર સાથે મતદાન કરવા પહોંચ્યા હતા. અવસર નાકિયાએ મતદાન કર્યા બાદ જીતનો વિશ્વાસ વ્યક્ત કર્યો છે. જ્યારે ભાજપના ઉમેદવારે કુંવરજી બાવળિયાએ જનડા ગામે હિંગળાજ માતાજીના દર્શન કર્યા.
જસદણ પેટાચૂંટણીને લઇને મતદાન કેન્દ્રો પર ચુસ્ત પોલીસ બંદોબસ્ત ગોઠવી દેવામાં આવ્યો છે. તમામ બુથ પર શાંતિપૂર્ણ મતદાન થાય તે માટે 1200 પોલીસ કર્મીઓ તૈનાત કરવામાં આવ્યા છે.
આ ઉપરાંત 3 DySP 7 PSI અને પેરા મિલેટરીના જવાનો ખડેપગે રહેશે. જ્યારે 27 રૂટ પર PSI સ્તરના પોલીસ કર્મીઓ પેટ્રોલિંગ કરશે. તેમજ કોઈ અનિચ્છનીય પરિસ્થિતિને પહોંતી વળવા માટે 4 પોલીસ સ્ટેશનમાં રિર્ઝવ પોલીસ ફોર્સ રાખવામાં આવી છે. તો રાજકોટનો પોલીસ કંટ્રોલ રૂમ દૂર હોવાથી જસદણમાં એક લોકલ કંટ્રોલ રૂમ ઉભો કરવામાં આવ્યો છે.
રાજકોટના જસદણમાં આજે પેટા ચૂંટણી માટે મતદાન યોજાવા જઈ રહ્યું છે..ત્યારે દિવ્યાંગો માટે પણ આદર્શ દિવ્યાંગ મતદાન મથક ઉભા કરવામાં આવ્યા છે.વોર્ડ નંબર 2માં દિવ્યાંગો માટે ખાસ બુથ તૈયાર કર્યું છે..જેમાં દિવ્યાંગો માટે તમામ સુવિધાઓ રાખવામાં આવી છે.
જસદણમાં આજે પેટાચૂંટણી યોજાવવાની છે. જસદણમાં 159 સ્થળો પર 262 બુથ પર EVM અને VVPATથી મતદાન યોજાશે. જિલ્લામાં 72 સ્થળના 126 બુથ પર વિશેષ તાકેદારી રાખવામાં આવી છે. પેટાચૂંટણીને લઈને પોલીસ પણ સજ્જ થઈ છે.
પેટાચૂંટણીમાં 1100 પોલીસ જવાનો ગોઠવવામાં આવ્યા છે. જેમાં પોલીસના 306 ગૃહરક્ષક દળના 311 જવાનો તહેનાત કરવામાં આવ્યા છે. લશ્કરી દળની 6 કંપની અને પેરા મિલિટરીની 6 કંપનીના 540 જવાનો પણ તહેનાત કરવામાં આવ્યા છે.
મહત્વનુ છે કે જસદણમાં ગુરૂવારે 2 લાખ 24 હજાર મતદારો મતદાન કરશે. 1 લાખ 5 હજાર મહિલાઓ અને 1 લાખ 18 હજાર પુરૂષો પેટાચૂંટણીમાં મતદાન કરશે.