દિયોદર તાલુકાના જાલોઢા ગામના યુવાન ને કુવાણા ગામનો ઈસમ કામ છે તેવું કહી અમદાવાદ ખાતે લઈ જઈ પોલીસને બોલાવી ધમકી આપી એક ઓરડીમાં ગોંધી રાખી એક કરોડની ખડણી માંગતા ચકચાર મચી જવા પામી છે જેમાં દિયોદર પોલીસ મથક ખાતે અમદાવાદના ત્રણ પોલીસ કર્મી સહિત પાંચ ઈસમો સામે ફરિયાદ નોંધાતા ચકચાર મચી જવા પામી છે
ખંડણી માગવાનો મામલો
અમદાવાદના પોલીસકર્મી સાથે પાંચ શખ્સો સામે ફરિયાદ
દિયોદર કોર્ટનો કાર્યવાહી કરવાનો આદેશ
જાણવા મળતી માહિતી મુજબ દિયોદર તાલુકાના જાલોઢા ગામે રહેતા નવીનગિરી જામતગિરી ગૌસ્વામી તારીખ 13/3/2020 ના રોજ ઘરે હાજર હતા તે સમય લાખણીના કુવાણા ગામે રહેતો ગૌસ્વામી મહેશગિરી રામગીરીનો ફોન આવતા ફરિયાદી નવીનગીરી જામતગીરી ગૌસ્વામી તેમના સગાને લઈ અમદાવાદ જવા નીકળ્યા હતા.
હાથીજણ ખાતે લઈ જઈ એક ઓરડી માં પુરી ગોંધી રાખ્યા
મોડી રાત્રે હાથીજણ હોટલ પર બેઠા હતા તે સમય કુવાણા ગામનો ગૌસ્વામી મહેશગીરી રામગીરી સાથે પોલીસની ગાડી લઈ હાથીજણ વિવેકાનંદ પોલીસ સ્ટેશનમાં ફરજ બજાવતા હોવાની ઓળખાણ આપી અન્ય ત્રણ ઈસમો આવેલ હતા જેમાં તમામ ઈસમોએ ષડયંત્ર રચી જાલોઢા ગામના નવીનગીરી ગૌસ્વામી અને તેમના સગા સબંધીને ખોટા ધંધા કરો છો તેવી ધમકી આપી ગાડી સાથે અમદાવાદ વિવેકાનંદ પોલીસ સ્ટેશન હાથીજણ ખાતે લઈ જઈ એક ઓરડીમાં પુરી ગોંધી રાખી પોલીસ કોન્સ્ટેબલ એ નવીનગીરી ગૌસ્વામી અને તેમના સગા સબંધીને મારઝૂડ કરી હતી.
તાત્કાલિક પોલીસે 20 લાખ રૂપિયા પડાવ્યા હતા
એટલું જ નહીં ખોટા કેસમાં ફસાવી દેવાની ધમકી આપી એક કરોડ રૂપિયા ની ખડણી માગી હતી જેમાં તાત્કાલિક પોલીસે 20 લાખ રૂપિયા પડાવ્યા હતા અને છોડી મુક્યા હતા જેમાં થોડા સમય બાદ સમગ્ર ષડયંત્ર રચવામાં આવ્યું હોવાનું જાણવા મળતા છેતરપિંડી થઈ હોવાનું જાણવા મળતા નવીનગીરી ગૌસ્વામીએ અમદાવાદ હાથીજણ પોલીસ મથક ખાતે ફરિયાદ આપવા ગયા હતા.
ફરિયાદ લીધી ન હતી અને ધમકી આપી
પરંતુ ત્યાં તેમને ફરિયાદ લીધી ન હતી અને ધમકી આપી ફરિયાદીને તગડી મુકવામાં આવ્યો હતો જે બાબતે 9/7/2020ના રોજ આરોપી સામે ફરિયાદ નોંધવા બનાસકાંઠા જિલ્લા એસ પી કચેરી ખાતે પણ રજુઆત કરાઈ હતી જેમાં કોઈ પગલાં ભરવામાંના આવતા આખરે નવીનગીરી ગૌસ્વામીએ દિયોદર કોર્ટમાં ફરિયાદ કરતા કોર્ટે હુકમ કરતા દિયોદર પોલીસ મથક ખાતે ત્રણ પોલીસ કોન્સ્ટેબલ સહિત 5 ઈસમો વિરુદ્ધ 363,114,147,148,323,506,(2) મુજબ ગુન્હો નોંધી તપાસ નો દોર શરૂ કરવામાં આવ્યો છે
કોની કોની સામે ફરિયાદ નોંધાઈ
(૧) ગૌસ્વામી મહેશગીરી રામગીરી રહે કૂવાણા તા.લાખણી..
અમદાવાદ ડી એસ પી તેમજ પોલીસ કમિશ્ર્નર સુધી હપ્તા પોહચે છે પોલીસ કોન્સ્ટેબલ ની ધમકી
વી. .જાલોઢા ગામ ના યુવાન ને ધમકી આપી મારઝૂડ કરી એક કરોડ ની માગણી કરનાર પોલીસ કોન્સ્ટેબલ એ ફરિયાદી ધમકી આપી હતી અને કહું હતું અમદાવાદ ડી એસ પી તેમજ પોલીસ કમિશ્રનર સુધી પૈસા પોહચાડવાના હોય છે અને માસિક હપ્તો ચાલે છે જેથી અમારું કોઈ પણ કશું બાગાડી શકે નહીં તેવી ધમકી પણ આપવામાં આવી હતી