સુવિધા / જનધન ખાતાધારકો માટે કામના સમાચાર, હવે માત્ર 1 મિસ કોલ પણ તમારું આ જરૂરી કામ થઈ જશે, નોંધી લો નંબર

• જનધન ખાતું એ ઝીરો બેલેન્સ બચત ખાતું છે
• માત્ર આ 1 નંબર પર મિસ કોલ કરી જાણો બેલેન્સ
• સેવ કરી લો આ નંબર અને સેવાનો ઉઠાવો લાભ

પ્રધાનમંત્રી જન ધન યોજના અંતર્ગત ગ્રાહકોને અનેક સુવિધાઓ મળે છે. આ બેંક ખાતું એક ઝીરો બેલેન્સ બચત ખાતું છે. આ સિવાય તેમાં ઘણી ખાસ સુવિધાઓ ઉપલબ્ધ છે જેમાં ઓવરડ્રાફ્ટ અને રૂપે કાર્ડ સામેલ છે. જો તમે પણ જન ધન ખાતું ખોલાવ્યું છે, તો તમે હવે ઘરે બેઠા ફક્ત એક મિસ્ડ કોલ દ્વારા તમારું બેલેન્સ ચેક કરી શકો છો. ચાલો જાણીએ ઘરે બેઠા કઈ રીતે બેલેન્સ ચેક કરી શકાય. 

આ 2 રીતથી બેલેન્સ ચેક કરી શકાય છે

તમે તમારા જન ધન ખાતાનું બેલેન્સ બે રીતે ચેક કરી શકો છો. જેમાં પહેલી રીત છે મિસ્ડ કોલ કરીને બેલેન્સ ચેક કરી શકાય છે અને બીજી રીત છે PFMS પોર્ટલ પર જઈને બેલેન્સ ચેક કરી શકાય છે. 

પીએફએમએસ પોર્ટલ દ્વારા

પીએફએમએસ પોર્ટલ માટે તમારે સૌથી પહેલાં આ લિંક https://pfms.nic.in/NewDefaultHome.aspx# પર જવું પડશે. અહીં તમારે ‘Know Your Payment’ પર ક્લિક કરવું પડશે. તે પછી તમારે તમારો એકાઉન્ટ નંબર નાંખવો પડશે. અહીં તમારે બે વાર એકાઉન્ટ નંબર નાંખવો પડશે. તે પછી કેપ્ચા કોડ ભરવો પડશે. પછી તમારું એકાઉન્ટ બેલેન્સ તમારી સામે દેખાશે.

મિસ્ડ કોલ દ્વારા

જો તમારી પાસે સ્ટેટ બેંક ઓફ ઇન્ડિયામાં જન ધન ખાતું છે તો તમે મિસ્ડ કોલ દ્વારા બેલેન્સ ચેક કરી શકો છો. આ માટે તમારે 18004253800 અથવા 1800112211 નંબર પર મિસ્ડ કોલ કરવો પડશે. ધ્યાનમાં રાખો કે ગ્રાહકો તેમના નોંધાયેલા મોબાઈલ નંબર પરથી આ પર મિસ્ડ કોલ કરી શકે છે. કોલ કર્યા પછી, તમને તમારા એકાઉન્ટ બેલેન્સ ઉપરાંત છેલ્લા 5 ટ્રાન્ઝેક્શન વિશે માહિતી મળશે. આ સિવાય તમે તમારા રજિસ્ટર્ડ મોબાઇલ નંબર પરથી 9223766666 પર કોલ કરીને પણ આ બધી માહિતી લઈ શકો છો.