કોરોના વાયરસ / PM મોદીની આજે તમામ રાજ્યોના મુખ્યમંત્રીઓ સાથે મહત્વની બેઠક, આ અંગે થશે ચર્ચા

• વીડિયો કોન્ફરન્સિંગના માધ્યમથી આયોજિત કરવામાં આવશે
• પીએમે આ પહેલા 17 માર્ચે રાજ્યોના સીએમ સાથે મીટિંગ કરી હતી
• મંગળવારના દિવસે 1.15 લાખથી વધારે  કેસ આવ્યા હતા

વીડિયો કોન્ફરન્સિંગના માધ્યમથી આયોજિત કરવામાં આવશે

આ મીટિંગ મહામારી માટે વીડિયો કોન્ફરન્સિંગના માધ્યમથી આયોજિત કરવામાં આવશે. ઉલ્લેખનીય છે કે પીએમ દ્વારા આ બેઠક એવા સમયમાં આયોજિત કરવામાં આવી રહી છે જ્યારે દેશમાં કોરોનાની બીજી લહેર પોતાની ચરમ સીમા પર આવી છે. તેવામાં કોરોના પર કાબુ મેળવવા માટે રાજ્ય સરકાર પોતાના સ્તર પર પ્રયાસ કરી રહ્યા છે. ઉલ્લેખનીય છે કે આજે કોરોનાના 1.25લાખથી વધારે નવા કેસ સામે આવ્યા છે. જે અત્યાર સુધીમાં સૌથી વધારે આંકડા છે. 

પીએમે આ પહેલા 17 માર્ચે રાજ્યોના સીએમ સાથે મીટિંગ કરી હતી

પીએમ નરેન્દ્ર  મોદીએ આ પહેલા 17 માર્ચે રાજ્યોના સીએમ સાથે મીટિંગ કરી હતી. આ દરમિયાન પીએમ મોદીએ કોરોનાના સતત વધતા મામલા પર ચિંતા વ્યક્ત કરી હતી. આ માટે પીએમે રાજ્ય સરકારોને ત્વરિત તથા નિર્ણાયક એક્શન લેવાનું કહ્યુ હતુ. ઉલ્લેખનયી છે કે સમગ્ર દુનિયામાં અમેરિકા અને બ્રાઝિલ બાદ ભારતમાં સૌથી વધારે કેસ આવી રહ્યા છે.  

મંગળવારના દિવસે 1.15 લાખથી વધારે  કેસ આવ્યા હતા

આ પહેલા મંગળવારના દિવસે 1.15 લાખથી વધારે કોરોના સંક્રમણના નવા મામલાની પુષ્ટિ કરવામાં આવી હતી. ઉલ્લેખનીય છે કે દેશના અનેક રાજ્યોમાં આ બાબત પર નાઈટ કર્યૂ અને લોકડાઉનનો સહારો લેવામાં આવી રહ્યો છે. મોટાભાગના કોરોનાના નવા મામલા મહારાષ્ટ્ર, છત્તીસગઢ, કર્ણાટક, ઉત્તર પ્રદેશ, તમિલનાડુ અને કેરળમાં સામે આવ્યા છે.

કોરોનાના કેસની વચ્ચે કેન્દ્ર સરકારે આપી ચેતવણી

ઉલ્લેખનીય છે કે ભારતમાં વધતા કોરોનાના કેસની વચ્ચે કેન્દ્ર સરકારે ચેતવણી આપી છે કે આવનારા 4 અઠવાડિયા ખૂબ જ મહત્વના છે. લોકોએ મહામારીની બીજી લહેરની સરખામણી કરવામાં સહયોગ આપવો જોઈએ. કેન્દ્રીય સ્વાસ્થ્ય મંત્રી ડો. હર્ષવર્ધને કહ્યું છે કે લાગી રહ્યું છે કે લોકોએ માસ્ક લગાવવા જેવી વાતને નકારી કાઢી છે.