અભિયાન / ગુજરાતના આ જિલ્લા વડાએ પોલીસને ફીટ રહેવાનો આપ્યો આદેશ, શરૂ કરી ઝૂંબેશ

• નરેન્દ્ર મોદીનું ફીટ ઈન્ડિયા અભિયાન 
• નવસારી પોલીસ અધિકારીએ હાથ ઘરી પોલીસ કર્મીઓને ફિટ રાખવાની ઝૂંબેશ 

આપણા મનમાં પોલીસની વાત આવે કે તુરંત જાડા પોલીસ વાળા અને મોટા પેટવાળા હવાલદાર નજરે પડે. પરંતુ નરેન્દ્ર મોદીએ ફીડ ઈન્ડિયાની શરૂઆત કરાઈ છે. ત્યારે હવે નવસારીના પોલીસ વડાએ નવસારીના પોલીસને ફીટ કરવાનો નવતર પ્રયોગ હાથ ધર્યો હતો. પોલીસ વડાએ પોતાના જવાનોને ફીટ કરવા માટે સ્પેશિયલ ટ્રેનર અને ડાયટ માટેના સંચાલકોને રોક્યા છે અને અનફીટ હોય તેવા પોલીસ કર્મીઓને ફીટ કરવા માટેનો નિર્ધાર કર્યો છે. 

પોલીસ કર્મીઓને ફીટ કરવા નવસારી પોલીસે હાથ ધર્યું અભિયાન 

પોલીસની નોકરીમાં અનિશ્ચિતતા હોવાના કારણે તેમના શરીર પર અસર પડે છે અને મોટાભાગના પોલીસ કર્મીઓ આ વ્યવસ્થાને કારણે પોતાની પાછળ સમય નથી આપી શકતા અને બેડોળ બની જાય છે. ત્યારે આ પ્રકારના પોલીસ કર્મીઓને ફીટ કરવા માટે સ્પેશિયલ બજેટ ફાળવીને તેમને તમામ સવલત આપવાનો પ્રયોગ નવસારીમાં કરાયો છે.

નવસારી પોલીસ વડાએ લાગુ કર્યો આ નવતર પ્રયોગ

પોલીસ પર બનેલી ફિલ્મમાં પોલીસને જોરદાર ફીટ બતાવવામાં આવે છે અને તેઓ આખા ફિલ્મમાં ચોર ડાકુઓને આસાનીથી મારીને પકડી પણ લે છે. ત્યારે આ યુકિત તેના પરથી જ આ નિર્યણ લેવાયો છે. જેનાથી આ નવસારી પોલીસ પર ફીટ રહે અને આસાનીથી ચોર કે કોઈપણ જાતના ગુનેગારને પકડીને જેલ હવાલે કરી શકે અને રાજ્યમાં ક્રાઈમની ઘટનાઓ ઓછી બને. હાલ બે મહિનાથી આ પોલીસકર્મીઓને આકરી તાલીમ અપાઈ રહી છે. જેથી તેઓ જે મુશ્કેલીનો સામનો કરી રહ્યા છે તેમાં તેમને રાહત મળે અને તેઓ પણ તંદુરસ્ત રહે. 

તમામ પોલીસ કર્મીઓને ડાયટ ફોલો કરવાનો આપ્યો આદેશ

રાજ્યના તમામ જિલ્લાઓમાં પોલીસકર્મીઓ ભારે વજન અને આગળ મોટું પેટ લઈને ફરજ પર આવતા હોય છે. ત્યારે અમૂક વખત પોતાની નોકરીને તેઓ યોગ્ય ન્યાય ન પણ આપી શકતા હોય તેવી આશંકા સાથે નવસારીના વડાએ આ નવતર પ્રયોગ લાગુ કર્યો છે અને પોલીસને ફીટ રાખવાનું કેમ્પેઈન શરૂ કર્યું છે અને મોટા ભાગના પોલીસ કર્મચારીઓને ફરજિયાત કસરત અને ડાયટ ફોલો કરવાનો આદેશ આપતા મોટી સંખ્યામાં પોલીસ કર્મીઓ કસરત કરવા આવી રહ્યા છે.