ફિલ્મ / વડોદરામાં ભાજપના સ્ટાર પ્રચારક વિવેક ઓબેરોયએ 'પીએમ નરેન્દ્ર મોદી' ફિલ્મનું કર્યું પ્રમોશન

ફિલ્મ અભિનેતા વિવેક ઓબેરોય 'પીએમ નરેન્દ્ર મોદી' ફિલ્મના પ્રમોશન માટે વડોદરાની પારૂલ યુનિવર્સીટીમાં આવ્યા. જ્યાં વિધાર્થીઓએ તેમને કંકુ ચાંદલા કરી ઢોલ નગારા વગાડી સ્વાગત કર્યું. વિવેક ઓબેરોય ફિલ્મમાં નરેન્દ્ર મોદીનો કિરદાર નિભાવ્યો છે.
 
ભાજપે ગુજરાતના સ્ટાર પ્રચારકોની યાદી બહાર પાડી તેમાં ફિલ્મ અભિનેતા વિવેક ઓબેરોયના નામનો સમાવેશ કરાતા સૌ કોઈ ચોંકી ઉઠ્યા છે. ત્યારે વિવેક ઓબેરોય પ્રથમ વાર વડોદરાની પારૂલ યુનિવર્સીટીમાં આવ્યા છે. તેમને પીએમ નરેન્દ્ર મોદી ફિલ્મનું પ્રમોશન કર્યું. સાથે જ વિધાર્થીઓ સાથે ફિલ્મને લઈ સંવાદ કર્યો. વિવેક ઓબેરોયનું વિધાર્થીઓએ ઢોલ નગારા વગાડી સ્વાગત કર્યું તો તેમને કંકુના તિલક પણ કર્યા.
 
વિવેક ઓબેરોયે પત્રકારો સાથે વાતચીત કરતા કહ્યું કે પીએમ નરેન્દ્ર મોદી ફિલ્મમાં કામ કરવું એ ગર્વની વાત છે. નરેન્દ્ર મોદી એક સન્માનીય વ્યક્તિ છે. વિવેક ઓબેરોયે કહ્યું કે ફિલ્મની રીલીઝને રોકવા માટે અનેક મોટી હસ્તીઓએ પ્રયત્નો કર્યા. સાથે જ તેમને રાહુલ ગાંધીનું નામ લીધા વિના પ્રહાર કરતા કહ્યું કે નરેન્દ્ર મોદી કોઈ પણ જાણીતી અટક વિના પ્રધાનમંત્રી બન્યા છે.