- મોદી સરકારનો મોટો નિર્ણય
- દેશવાસીઓને આપી મોટી રાહત
- કેબિનેટ બેઠકમાં લેવાયો આ નિર્ણય
વડાપ્રધાન નરેન્દ્ર મોદીએ શનિવારે સાંજે કેબિનેટની મહત્વપૂર્ણ બેઠક બોલાવી હતી. આ બેઠક સાંજે 4:30 કલાકે બોલાવવામાં આવી હતી. સામાન્ય રીતે આવી બેઠક બુધવારે યોજાતી હોય છે, પરંતુ શનિવારે આ બેઠક કયા હેતુથી બોલાવવામાં આવી હતી તેના પર સૌની નજર મંડાયેલી છે. આ બેઠકમાં મુખ્ય મુદ્દા પર નિર્ણય લેવામાં આવ્યો હતો. જે અંતર્ગત આગામી દિવસમાં 6 મહિના સુધી દેશવાસીઓને મફત રાશન આપવામાં આવશે.
મીટિંગમાં થયો આ નિર્ણય
આ કેબિનેટ મીટિંગમાં ગરીબ અન્ન કલ્યાણ યોજના અંતર્ગત આગામી 6 મહિના સુધી લંબાવી દેવામાં આવી છે. મોદી કેબિનેટમાં આ નિર્ણય થયો છે કે, 30 સપ્ટેમ્બર સુધી આ યોજના લાગૂ રહેશે. પહેલા યોજના 31 માર્ચ સુધી ખતમ થવાની હતી.
કોરોનાકાળમાં શરૂ કરી હતી આ યોજના
આપને જણાવી દઈએ કે, કોરોનાના કારણે લોકડાઉન લાગવા પર કેન્દ્ર સરકારે આ યોજનાની શરૂઆત કરી હતી. એટલા માટે સરકારે 1.70 કરોડની ગ્રાંટ તેના માટે ફાળવી હતી. આ અન્ન યોજના અંતર્ગત ગરીબોને મફત રાશન આપવામાં આવે છે, જેમાં પ્રતિ વ્યક્તિ દીઠ 5 કિલોના દરથી અનાજ મળે છે.
અહીં ઉલ્લેખનીય છે કે, હાલમાં સંસદનું સત્ર ચાલી રહ્યું છે અને ત્યારે આવા સમયે કેબિનેટની બેઠકમાં લેવાયેલો આ નિર્ણય ખૂબ મહત્વનો માનવામાં આવે છે.
પ્રધાનમંત્રી ગરીબ કલ્યાણ અન્ન યોજના અંતર્ગત, સરકાર નેશનલ ફુડ સિક્યોરિટી એક્ટ અંતર્ગત ઓળખાણ માટે 80 કરોડ રાશન કાર્ડધારકોને મફત રાશન આપે છે. આ સ્કીમ અંતર્ગત મળતા મફત રાશન કાર્ડધારકોને રાશનની દુકાન દ્વારા મળતી સબ્સિડીવાળા અનાજ ઉપરાંત વધારાનું અનાજ હોય છે.
આ યોજના અંતર્ગત કોને કેટલો ફાયદો થાય છે
ત્યારે હવે સવાલ એ થાય છે કે, કેન્દ્ર સરકારની આ યોજના અંતર્ગત ક્યા લોકોને અને કેટલો ફાયદો મળે છે. તો આપને જણાવી દઈએ કે, કેન્દ્ર સરકારની આ યોજના અંતર્ગત ભારતના લગભગ 80 કરોડ રાશનકાર્ડ ધારકોને દર મહિને પ્રતિ વ્યક્તિદીઠ 5 કિલો વધારે અનાજ (ઘઉં-ચોખા) મળે છે. આપને જણાવી દઈએ કે, દેશના જે નાગરિક પાસે રાશન કાર્ડ છે, તેને પોતાના કોટાના રાશનની સાથે સાથે આ યોજના અંતર્ગત દર મહિને પાંચ કિલો વધારાનું રાશન પણ મળી રહ્યું છે. આ યોજના અંતર્ગત મફત અનાજ એજ રાશનની દુકાનેથી મળે છે. જ્યાં રાશન કાર્ડ પર મળે છે.
આ વાતનું ધ્યાન રાખજો કે, પ્રધાનમંત્રી ગરીબ કલ્યાણ અન્ન યોજના અંતર્ગત મફત અનાજનો ફાયદો એ લોકો માટે નથી, જેમની પાસે રાશન કાર્ડ નથી. આ યોજના રાશન કાર્ડ ધારકો સુધી જ મર્યાદિત છે. જેની સંખ્યા દેશમાં 80 કરોડની આસપાસ છે.
